ەلوردا اۋەجايىندا ماس جولاۋشى “ۇشاقتا بومبا بار” دەپ ايقالاپ، جۇرتتى دۇرلىكتىردى. بۇل تۋرالى Polisia.kz جازدى، دەپ حابارلايدى «ادىرنا» ءتىلشىسى.
«21 تامىز ساعات 10.00-دە نۇر-سۇلتان قالاسىنىڭ اۋەجايىنداعى جەلىلىك پوليتسيا بولىمىنە نۇرسۇلتان نازارباەۆ حالىقارالىق اۋەجايى تەرمينالىنىڭ ستەريلدى ايماعىندا “TURKISH AIRLINES” اۆياكومپانياسىنىڭ نۇر-سۇلتان – انتاليا اۋە رەيسىنە جولاۋشىلاردى وتىرعىزۋ كەزىندە 44 جاستاعى جولاۋشى ماس كۇيىندە بىرنەشە رەت اينالاسىنداعىلارعا “ۇشاقتا بومبا” دەپ ايقايلاعانى تۋرالى حابارلاما كەلىپ ءتۇستى. اۋەجايدىڭ بورتى مەن ستەريلدى ايماعىنا دەرەۋ تەكسەرۋ جۇرگىزىلدى. تەكسەرۋ بارىسىندا قانداي دا ءبىر جارىلعىش قۇرىلعىلار مەن باسقا دا تىيىم سالىنعان زاتتار تابىلعان جوق»،– دەلىنگەن حابارلامادا.
اتالعان فاكتى بويىنشا قر قىلمىستىق كودەكسىنىڭ 273-بابى (تەرروريزم اكتiسi تۋرالى كورiنەۋ جالعان حابارلاۋ) بويىنشا سوتقا دەيىنگى تەرگەۋ باستالدى.
قر قىلمىستىق كودەكسىنىڭ وسى بابىنا سايكەس بەس جىلعا دەيىن باس بوستاندىعىنان ايىرۋ كوزدەلگەن. كۇدىكتى ءوز كىناسىن مويىندادى. قازىرگى ۋاقىتتا ول نۇر-سۇلتان قالاسى پد-نىڭ ۋاقىتشا ۇستاۋ يزولياتورىنا قامالدى.
قر قپك-ءنىڭ 201-بابىنىڭ تالاپتارىنا سايكەس، وزگە دە مالىمەتتەر تەرگەۋ مۇددەسىنە وراي جاريا ەتىلمەيدى.
