“18 ملن تەڭگە”: قىزىلورداداعى ەليتالىق مەكتەپتە مۇعالىمدەردەن اقشا جيناپ جاتىر

2415
Adyrna.kz Telegram

قىزىلورداداعى ەليتالىق مەكتەپتە شۋ شىقتى. بۇل تۋرالى kritikakyzylordy پاراقشاسى جاريالادى، دەپ حابارلايدى “ادىرنا” ۇلتتىق پورتالى.

جازبادا مۇعالىمدەر 46 مىڭ تەڭگەلىك جالپىعا ورتاق فورمانى ساتىپ الۋعا اقشا جيناپ جاتقانىن مالىمدەگەن. ولاردىڭ ايتۋىنشا، مەكتەپتە ۇنەمى اقشا جيناتادى.

«جىل سايىن ۇستازدارعا ارنالعان جاڭا فورمالار پايدا بولادى. نەگە؟ ۇندەمەي گازەتتەر مەن جۋرنالدارعا جازىلۋ ءۇشىن اقشا جينايمىز. جوندەۋگە، ەندى مىنە، جاڭا فورماعا (كوستيۋم مەن بەلدەمشە) جيناپ جاتىرمىز. مەكتەبىمىزدە 400 ادام جۇمىس ىستەيدى. ونى 46 مىڭعا كوبەيتسەك، 18 ميلليون تەڭگەدەن استام قاراجات شىعادى ەكەن. بۇل سوماعا بىزگە نە تىكپەكشى؟»، – دەپ جازعان مۇعالىمدەر.

اتالعان جايتقا قالالىق ءبىلىم بەرۋ باسقارماسى پىكىر ءبىلدىرىپ، مەكتەپتە پەداگوگيكالىق كەڭەس ءوتىپ، وندا ۇستازداردىڭ ادەپ كودەكسىنە ساي كيىم كيىسى تالقىلانعانىن مالىمدەدى.

«شەشىم ءبىراۋىزدان، ۇستازداردىڭ جالپىعا ورتاق ءبىر ۇلگىدەگى فورماعا ءوتۋ تۋرالى  ۇسىنىستارى نەگىزىندە قابىلداندى. پەداگوگيكالىق قىزمەتكەرلەردىڭ كوستيۋمى قالاي بولاتىنى، قانداي ماتادان تىگىلەتىنى تۋرالى ماسەلە دە شەشىلگەن. مۇعالىمدەر تاراپىنان قانداي دا ءبىر نارازىلىق بولماعان»، – دەيدى قالالىق ءبىلىم بەرۋ باسقارماسى.

 

پىكىرلەر