بۇگىن اكتيۆ وتىرىسىندا ايماق باسشىسى سەرىك شاپكەنوۆ جاڭا ورىنباسارلارىن تانىستىردى، دەپ حابارلايدى «ادىرنا» ءتىلشىسى.
قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى بويىنشا وبلىس اكىمىنىڭ وكىمىمەن نۇرتاەۆ قايرات تالاپۇلى اتىراۋ وبلىسى اكىمىنىڭ ورىنباسارى لاۋازىمىنا تاعايىندالدى.
نۇرتاەۆ قايرات تالاپۇلى اتىراۋ مۇناي جانە گاز ينستيتۋتىن، باتىس قازاقستان ينجەنەرلىك-گۋمانيتارلىق ۋنيۆەرسيتەتىن بىتىرگەن. ەكونوميكا جانە بيزنەس ماگيسترى.
ەڭبەك جولىن 2004 جىلى اتىراۋ وبلىستىق ەكونوميكا جانە كاسىپكەرلىكتى قولداۋ باسقارماسىندا باس مامان، 2005-2007 جىلدارى ارالىعىندا اتىراۋ وبلىستىق جولاۋشىلار كولىگى جانە اۆتوكولىك جولدارى ءبولىمى باسشىسىنىڭ ورىنباسارى، 2008 جىلدان باستاپ اتىراۋ وبلىستىق جولاۋشىلار كولىگى جانە اۆتوكولىك جولدارى ءبولىمى باسقارماسىنىڭ اۆتوكولىك جولدارى ءبولىمىنىڭ باسشىسى بولدى. 2010 جىلدان 2017 جىلعا دەيىن اتىراۋ وبلىستىق جولاۋشىلار كولىگى جانە اۆتوكولىك جولدارى باسقارماسىنىڭ ورىنباسارى، 2017-2019 جىلدار ارالىعىندا اتىراۋ وبلىستىق جولاۋشىلار كولىگى جانە اۆتوكولىك جولدارى باسقارماسىنىڭ باسشىسى قىزمەتىن اتقاردى. 2019 - 2021 جىلدارى قۇرمانعازى اۋدانىنىڭ اكىمى بولدى. 2021 جىلدىڭ ساۋىرىنەن 2022 جىلدىڭ قاڭتارىنا دەيىن اتىراۋ وبلىسى اكىمىنىڭ كەڭەسشىسى، 2022 جىلدىڭ قاڭتارىنان بۇگىنگە دەيىن «باتىساليانسستروي» جشس باس ديرەكتورى قىزمەتىن اتقاردى.
سونىمەن قاتار قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى بويىنشا وبلىس اكىمىنىڭ وكىمىمەن بيسەمبيەۆ جاسۇلان وراقۇلى اتىراۋ وبلىسى اكىمىنىڭ ورىنباسارى لاۋازىمىنا تاعايىندالدى.
جاسۇلان بيسەنبيەۆ بۇعان دەيىن «ازاماتتىق باستامالاردى قولداۋ ورتالىعى» كەاق باسقارما توراعاسىنىڭ ورىنباسارى قىزمەتىن اتقارعان.
جاسۇلان بيسەمبيەۆ اتىراۋ پوليتەحنيكالىق كوللەدجىن «بۋحگالتەرلىك ەسەپ جانە اۋديت» ماماندىعى بويىنشا، ح.دوسمۋحامەدوۆ اتىنداعى اتىراۋ مەملەكەتتىك ۋنيۆەرسيتەتىن «قارجى» ماماندىعى بويىنشا بىتىرگەن. رەسەي فەدەراتسياسى استراحان مەملەكەتتىك ۋنيۆەرسيتەتىنىڭ الەۋمەتتانۋ ماگيسترى.
ەڭبەك جولىن 2008 جىلى «جاسىل ەل» اتىراۋ فيليالىندا باستاعان. «تارلان-اتىراۋ» قب توراعاسى، «اتىراۋ اقپارات» مكك توراعا كومەكشىسى، 2013 جىلى «اتىراۋ قالاسى جاستار رەسۋرسى ورتالىعىن» باسقاردى. 2016 جىلدىڭ مامىر ايىندا جاستار ساياساتى ماسەلەلەرى باسقارماسى باسشىسىنىڭ ورىنباسارى، 2017 جىلى وسى باسقارمانىڭ باسشىسى قىزمەتىن اتقارعان. 2017-2020 جىلدارى وبلىستىق ىشكى ساياسات باسقارماسىنىڭ باسشى بولدى. 2020 جىلدىڭ شىلدەسىنەن 2021 جىلدىڭ قىركۇيەگىنە دەيىن - «Gate Insaat Taah.San.Tic.A.S.» كومپانياسىنىڭ مەنەدجەرى. 2021 جىلدىڭ قىركۇيەگىنەن بۇگىنگە دەيىن «ازاماتتىق باستامالاردى قولداۋ ورتالىعى» كەاق باسقارما توراعاسىنىڭ ورىنباسارى قىزمەتىن اتقاردى.
