قوستاناي وبلىسى بويىنشا سىبايلاس جەمقورلىققا قارسى قىزمەت دەپارتامەنتى وڭىردەگى باعانى تۇراقتاندىرۋعا ارنالعان قانتتى ءبولۋدىڭ قىلمىستىق سحەماسىن اشكەرەلەدى، دەپ حابارلايدى «ادىرنا» ءتىلشىسى.
«اكىمدىك پەن «توبىل اكك» اق قىزمەتكەرلەرى قانت تاپشىلىعىن پايدالانا وتىرىپ، ونى وبلىستىڭ تۇراقتاندىرۋ قورىنان 420 تگ/كگ جەڭىلدىك قۇنى بويىنشا كەزەكتەن تىس جانە نورمادان تىس تاڭداپ العان كاسىپكەرلەرگە بەرگەن.
بۇل ءۇشىن كاسىپكەرلەر اكىمدىك پەن اكك قىزمەتكەرلەرىنە سىياقى رەتىندە 100-دەن 500 كگ-عا دەيىن قانتتى ۇلەستىرگەن.
بۇدان ءارى، تاڭدالعان كاسىپكەرلەر پايدا كورۋ ماقساتىندا حالىققا قانتتى 10%-دىڭ ورنىنا 100% ۇستەمە باعامەن ساتقان»،— دەلىنگەن انتيكور حابارلاماسىندا.
تۇراقتاندىرۋ قورىنىڭ قويما مەڭگەرۋشىسىنىڭ جەكە گاراجىن تەكسەرۋ بارىسىندا 900 كگ قانت تابىلىپ، تاركىلەندى. الىنعان قانت تۇراقتاندىرۋ قورىنا قايتارىلدى.
وزگە اقپارات تەرگەۋ مۇددەسىندە جاريا ەتۋگە جاتپايدى.
بەينەجازبانى كورۋ ءۇشىن سىلتەمەنى باسىڭىز.
