اسكەردە بورىشىن وتەپ جۇرگەن قىز كومانديرلەر تاراپىنان قىسىم كورگەنىن ايتتى، دەپ جازادى "ادىرنا" ۇلتتىق پورتالى.
Tengrinews.kz حابارلاۋىنشا، الماتى وبلىسى شەڭگەلدى ەلدى مەكەنىندەگى 54179 اسكەري بولىمىندە بورىشىن وتەگەن قىز "نەمولچيKz" قوعامدىق قورىنا جۇگىنەن. ول 2019 جىلدىڭ جەلتوقسانىندا ءۇش جىل مەرزىمگە قىزمەتكە شاقىرىلعانىن، بىراق مەرزىمىنەن بۇرىن بوساتىلعانىن ايتتى. اسكەري قىزمەتشى باتالون كومانديرلەرى كەلىسىمشارت بويىنشا قىزمەت ەتۋگە كەدەرگى كەلتىرگەنىن ايتتى.
قىزدىڭ ايتۋىنشا، اسكەري بولىمدە قىزمەت ەتە باستاعان ساتتەن-اق باتالون كومانديرى قىر سوڭىنا ءتۇسىپ، قىسىم كورسەتكەن.
"وعان باعىنىشتى وفيتسەرلەر ەشتەڭەنى بايقاماعانداي ءتۇر تانىتىپ، ال اسكەري ءبولىم قولباسشىلىعى (...) ەشقانداي شارا قولدانبادى", - دەيدى قىز.
ونىڭ ايتۋىنشا، ول اسكەري ءبولىم باسشىلىعىنا بىرنەشە رەت جۇگىنگەن. بىراق: "ادەمى قىزسىڭ، جەكە ومىرىڭە ارالاسپايمىز، مەن سەنىڭ اعاڭ ەمەسپىن، كومانديردى تاڭدامايدى، سەنى ەشكىم اسكەرگە قولىڭنان سۇيرەپ اكەلگەن جوق", - دەگەن جاۋاپ العان.
قىز پسورياز جانە گاستريتپەن اسكەري گوسپيتالعا تۇسكەنىن ايتتى. ونىڭ ايتۋىنشا، باتالون كومانديرى باسقا بولىمشەگە اۋىستىرىلعان، ال باتالون كومانديرىنىڭ ورنىنا ونىڭ جاقىن دوسى كەلگەن. ول وسىدان كەيىن جابىرلەۋ، قورلاۋ، قىسىم كوبەيە تۇسكەننىن ايتتى.
قىز اسكەردەن كەتكەن. ول مۇگەدەك اناسى مەن ىنىلەرىنىڭ جالعىز اسىراۋشىسى، اكەسى جوق ەكەنى ايتىلدى. ول ءوزىن قورلاعاندارعا شارا قولدانۋدى سۇراعان.
قورعانىس مينيسترلىگى وكىلدەرى شۇعىل كوميسسيا قۇرىلعانىن، ول اسكەري بولىمگە بارىپ، وقيعانى ەگجەي-تەگجەيلى زەرتتەۋگە كىرىسكەنىن مالىمدەدى.
"قاتارداعى ەلشىباەۆانىڭ الەۋمەتتىك جەلىدە جاريالاعان دەرەكتەرى راستالسا، كىنالىلەر جۇمىستان بوساتىلىپ، قىلمىستىق ءىس قوزعالعانعا دەيىن قاتاڭ تارتىپتىك جاۋاپكەرشىلىككە تارتىلادى. تەرگەۋ بارىسى قورعانىس ءمينيسترىنىڭ جەكە باقىلاۋىنا الىندى", - دەدى ۆەدومستۆو وكىلدەرى.
"ادىرنا" ۇلتتىق پورتالى
