"WhatsApp" جانە "Telegram" مەسسەندجەرلەرى ارقىلى ازاماتتاردىڭ اقشالاي قاراجاتىن تارتا وتىرىپ، "BINCLOUD" قارجى پيراميداسى ۇيىمداستىرىلعانى انىقتالدى. بۇل تۋرالى قارجىلىق مونيتورينگ اگەنتتىگى حابارلادى، دەپ جازادى "ادىرنا" ۇلتتىق پورتالى.
"BINCLOUD" باعدارلاماسىنا سايكەس جەكە تۇلعالار بەلگىلى ءبىر قاراجاتقا ۆيرتۋالدى ماينينگ جابدىعىن جالعا الادى، ودان كۇن سايىن سالىنعان سومانىڭ 5-6% مولشەرىندە ينۆەستيتسيالىق كىرىس الادى.
سونىمەن قاتار، كليەنتتەردەن كىرىس قاراجاتىن شىعارۋ كەزىندە قارجى پيراميداسىن ۇيىمداستىرۋشىلاردىڭ پايداسىنا جالپى قاراجاتتىڭ 16% ۇستالادى.
ەگەر ءسىز "BINCLOUD" باعدارلاماسىنا قاتىسىپ، زارداپ شەكسەڭىز، قما اۋماقتىق دەپارتامەنتتەرىنە نەمەسە سەنىم تەلەفونى ارقىلى حابارلاسۋىڭىزدى سۇرايمىز.
"ادىرنا" ۇلتتىق پورتالى
