ەلوردادا ەرەكشە قۋانىشقا تولى ءسات ورىن الدى. ەربول حاميتوۆ – XIV قىسقى پاراليمپيادا ويىندارىنىڭ چەمپيونى – سالتاناتتى تۇردە جاڭا باسپانانىڭ يەسى اتاندى. Grand Building Group قۇرىلىس كومپانياسى سپورتشىعا ەكى بولمەلى پاتەردىڭ كىلتىن تابىستادى.
سالتاناتتى شارا بارىسىندا كومپانيا قىزمەتكەرلەرى چەمپيوندى ەرەكشە ىلتيپاتپەن قارسى الىپ، ونىڭ سپورتتاعى تاباندىلىعى مەن جەتىستىكتەرىن جوعارى باعالادى. جيىن جىلى اتموسفەرادا ءوتىپ، قاتىسۋشىلار ەربول حاميتوۆتىڭ ەل ابىرويىن اسقاقتاتقان جەڭىستەرىن ماقتانىشپەن اتاپ ءوتتى.
پاتەر كىلتىن كومپانيانىڭ باس ديرەكتورى ايبەك بايانبايۇلى تابىستاپ، سپورتشىنى جارقىن جەڭىسىمەن قۇتتىقتاپ، الداعى ءومىر جولىندا تولاعاي تابىستار مەن جاڭا بيىكتەر تىلەدى. كىلت تابىستالعاننان كەيىن جەڭىمپازعا جاڭا پاتەرى بىردەن كورسەتىلىپ، قازاقى داستۇرمەن شاشۋ شاشىلدى.
ەسكە سالا كەتەيىك، 2026 جىلعى قىسقى پاراليمپيادا ويىندارى يتاليانىڭ ميلان-كورتينا قالالارىندا 6–15 ناۋرىز ارالىعىندا ءوتتى. اتالعان دودادا ەربول حاميتوۆ پارا بياتلوننان 4,5 شاقىرىم قاشىقتىقتاعى ءىز قۋ جارىسىندا التىن مەدال جەڭىپ الىپ، سونداي-اق پارا شاڭعى جارىسىنان 1500 مەترلىك كلاسسيكالىق سپرينتتە قولا جۇلدەنى يەلەندى.
بۇل باستاما – سپورتشىلارعا دەگەن قۇرمەتتىڭ ايقىن كورىنىسى. وسىنداي يگى ىستەر قوعامدا جىگەر مەن سەنىم ۇيالاتىپ، جاس ۇرپاققا ۇلگى بولارى ءسوزسىز. ەلوردادا ەرەكشە قۋانىشقا تولى ءسات ورىن الدى. ەربول حاميتوۆ – XIV قىسقى پاراليمپيادا ويىندارىنىڭ چەمپيونى – سالتاناتتى تۇردە جاڭا باسپانانىڭ يەسى اتاندى. Grand Building Group قۇرىلىس كومپانياسى سپورتشىعا ەكى بولمەلى پاتەردىڭ كىلتىن تابىستادى.
سالتاناتتى شارا بارىسىندا كومپانيا قىزمەتكەرلەرى چەمپيوندى ەرەكشە ىلتيپاتپەن قارسى الىپ، ونىڭ سپورتتاعى تاباندىلىعى مەن جەتىستىكتەرىن جوعارى باعالادى. جيىن جىلى اتموسفەرادا ءوتىپ، قاتىسۋشىلار ەربول حاميتوۆتىڭ ەل ابىرويىن اسقاقتاتقان جەڭىستەرىن ماقتانىشپەن اتاپ ءوتتى.
پاتەر كىلتىن كومپانيانىڭ باس ديرەكتورى ايبەك بايانبايۇلى تابىستاپ، سپورتشىنى جارقىن جەڭىسىمەن قۇتتىقتاپ، الداعى ءومىر جولىندا تولاعاي تابىستار مەن جاڭا بيىكتەر تىلەدى. كىلت تابىستالعاننان كەيىن جەڭىمپازعا جاڭا پاتەرى بىردەن كورسەتىلىپ، قازاقى داستۇرمەن شاشۋ شاشىلدى.
سونداي-اق چەمپيون سالتاناتتى شارادان كەيىن ءوز اسەرىمەن ءبولىسىپ، جۇرەكجاردى العىسىن جەتكىزدى:
«بۇل جەڭىسكە جەتكەنىمە وتە قۋانىشتىمىن. وسىنداي قۋانىشتى ساتتە ماعان قولداۋ ءبىلدىرىپ، باسپانا سىيلاعان Grand Building Group كومپانياسىنا شىن جۇرەكتەن العىس ايتامىن. ءبىزدىڭ سپورتشىلاردى قولداپ، قۇرمەت كورسەتىپ جاتقاندارى – ءبىز ءۇشىن ۇلكەن موتيۆاتسيا. سونىمەن قاتار، قاسىم-جومارت توقاەۆ مىرزاعا دا ەرەكشە العىسىمدى بىلدىرگىم كەلەدى. ەلدەگى سپورتقا، سونىڭ ىشىندە پاراسپورتقا كورسەتىلىپ جاتقان قولداۋ – ءبىز ءۇشىن وتە ماڭىزدى. بۇل جەتىستىكتىڭ ارتىندا ۇلكەن ەڭبەك جاتىر. بارلىق باپكەرلەر مەن مامانداردىڭ سىڭىرگەن ەڭبەگى زور. ءبىز مۇنىمەن توقتامايمىز، الدا ءالى تالاي بەلەستەر بار. كوك تۋىمىزدى كوككە تاعى دا كوتەرىپ، ەل نامىسىن ابىرويمەن قورعاي بەرەمىز. بارشاڭىزعا كوپ راقمەت!»
ەسكە سالا كەتەيىك، 2026 جىلعى قىسقى پاراليمپيادا ويىندارى يتاليانىڭ ميلان-كورتينا قالالارىندا 6–15 ناۋرىز ارالىعىندا ءوتتى. اتالعان دودادا ەربول حاميتوۆ پارا بياتلوننان 4,5 شاقىرىم قاشىقتىقتاعى ءىز قۋ جارىسىندا التىن مەدال جەڭىپ الىپ، سونداي-اق پارا شاڭعى جارىسىنان 1500 مەترلىك كلاسسيكالىق سپرينتتە قولا جۇلدەنى يەلەندى.
بۇل باستاما – سپورتشىلارعا دەگەن قۇرمەتتىڭ ايقىن كورىنىسى. وسىنداي يگى ىستەر قوعامدا جىگەر مەن سەنىم ۇيالاتىپ، جاس ۇرپاققا ۇلگى بولارى ءسوزسىز.
