قازاقستان رەسپۋبليكاسىنىڭ ادىلەت مينيسترلىگى الەۋمەتتىك جەلىلەردە تاراعان جالعان اقپاراتقا بايلانىستى رەسمي مالىمدەمە جاسادى.
مينيسترلىكتىڭ حابارلاۋىنشا، سوڭعى ۋاقىتتا الەۋمەتتىك جەلىلەردە ادىلەت ءمينيسترى ەرلان سارسەمباەۆ ەلىمىزدىڭ سولتۇستىك وڭىرلەرىنە ەرەكشە قۇقىقتىق مارتەبە بەرۋدى ۇسىندى دەگەن مازمۇنداعى اقپارات تارالعان. الايدا ۆەدومستۆو بۇل مالىمەتتىڭ شىندىققا سايكەس كەلمەيتىنىن رەسمي تۇردە مالىمدەدى.
«قازاقستان رەسپۋبليكاسى ادىلەت مينيسترلىگى اتالعان اقپاراتتىڭ جالعان ەكەنىن حابارلايدى»، – دەلىنگەن رەسمي حابارلامادا.
سونىمەن قاتار مينيسترلىك جالعان اقپارات تاراتۋ قازاقستان رەسپۋبليكاسىنىڭ زاڭناماسىنا سايكەس قىلمىستىق جاۋاپكەرشىلىككە اكەپ سوعاتىنىن ەسكەرتتى.
ۆەدومستۆو ازاماتتار مەن بۇقارالىق اقپارات قۇرالدارىن تەك رەسمي دەرەككوزدەرگە جانە تەكسەرىلگەن اقپاراتقا عانا سۇيەنۋگە شاقىردى.
