وسكەمەن قالاسىنداعى زەرەك ورتالىعىندا 2 تامىز كۇنى «جاستارعا مۇمكىندىك!» تاقىرىبىندا كەزدەسۋ ءوتتى.
ءىس-شارا قر اقپارات جانە قوعامدىق دامۋ مينيسترلىگى مەن ازاماتتىق باستامالاردى قولداۋ ورتالىعىنىڭ قولداۋىمەن «ادىرنا» ۇەب» قق «جاستاردى الەۋمەتتەندىرۋ جانە وڭالتۋ» جوباسى اياسىندا ۇيىمداستىرىلدى. وندا NEET ساناتىنداعى جاستاردى ەلىمىزدىڭ الەۋمەتتىك-ەكونوميكالىق ومىرىنە تارتۋ ماسەلەلەرى قاراستىرىلادى.
NEET ساناتىنداعى جاستار اراسىنداعى قارىم-قاتىناستى نىعايتىپ، ولاردى دامىتۋ يدەيالارىن تالقىلاپ، جوبالىق كەڭسە تاراپىنان جاستارعا كومەك بەرۋ جانە كاسىبي باعدارلاۋ تۇرلەرىن زەرتتەپ، NEET جاستارىنىڭ قوردالانعان ماسەلەلەرىنىڭ شەشۋ جولدارىن قاراستىرۋعا باعىتتالعان.
ءىس-شارانىڭ ماقساتى - جاستاردى جىگەرلەندىرۋ، ىنتالاندىرۋ جانە ولاردىڭ شىعارماشىلىق الەۋەتىن دامىتۋ.
كەزدەسۋدىڭ باستى سپيكەرى - وسكەمەن قالاسىندا «التىن ۇيا» زياتكەرلىك ءبىلىم بەرۋ ورتالىعىنىڭ نەگىزىن قالاعان كاسىپكەر ەرلان بايجىگىت. ونىڭ كاسىبىنىڭ وسكەمەن قالاسى بويىنشا 4 بولىمشەسى ءساتتى قىزمەت ەتىپ تۇر. كەزدەسۋ بارىسىندا ول ءبىلىم بەرۋ پروتسەسىنە جانە جۇمىسپەن قامتۋعا تارتىلماعان جاستارعا مانساپ جانە جەكە ءوسۋ ءۇشىن ومىرلىك داعدىلارىن دامىتۋداعى تاجىريبەلەرىمەن ءبولىستى.
"كاسىپ ءتۇبى ءناسىپ دەگەندى قازاق بەكەر ايتپاعان. نەگە دەسەك، بۇگىندە جۇمىسسىز جاستاردىڭ دەنى كوبەيىپ كەتتى. وكىنىشتىسى كوپشىلىگىنىڭ ديپلومى بار، بىلىكتىلىك قۇجاتتارى بار. سونىڭ وزىندە ىستەرگە جۇمىس تاپپاي ءجۇر. الايدا وسىنداي جاعدايدا ەشكىمگە باعىنباستان ءوزىڭنىڭ جەكە كاسىبىڭدى دوڭگەلەتەر بولساڭ، واسىمەن جۇيەلى تۇندە جۇمىس جاساعان ادامعا بيزنەس قاشان دا ءوزىنىڭ جەمىسىن بەرەدى. سول سەبەپتى، مەملەكەتتىك قازىرگى تاعايىنداپ جاتقان قايتارىمسىز گرانت، باستامالاردى قولداۋ دەگەن سىندى جەڭىلدىكتەرىن پايدالانىپ ءوز كاسىبىڭدى اشۋىڭا بولادى. دۇمىس جاسايمىن، وسەمىن، وركەندەيمىن دەگەن ادامعا، ءسوزسىز ەكى قولعا ءبىر كۇرەك تابىلادى" دەدى ەرلان مىرزا.
سونىمەن قاتار، پىكىرتالاس حالىقتى جۇمىسپەن قامتۋ ورتالىعى، كاسىپكەرلەر پالاتاسى، جاستار رەسۋرستىق ورتالىعى سىندى مەكەمەلەردىڭ قاتىسۋىمەن ءوتتى. ونىڭ ىشىندە وسكەمەن قالاسى اكىمدىگىنىڭ «جاستار رەسۋرستىق ورتالىعى» كمم ديرەكتورى - ايدوس ادىلبەكۇلى ادىلبەكوۆ، وسكەمەن قالاسى اكىمدىگىنىڭ «حالىقتى جۇمىسپەن قامتۋ ورتالىعى» كمم بىلىكتىلىگى جوعارى مامانى – گۇلنار ماركسقىزى، شقو كاسىپكەرلەر پالاتاسىنىڭ قارجىلىق ەمەس قولداۋ ءبولىمىنىڭ باسشىسى – ايگۇل ماركسقىزى شاكيروۆا بەلسەنە قاتىستى.
كەزدەسۋ بارىسىندا بۇگىنگى كۇنى ەڭبەك نارىعىنداعى قاجەتتى ماماندىقتار ماسەلەسى جانە قاي سالانى بەلسەندى دامىتۋ كەرەكتىگى، كاسىپكەردىڭ بويىنا قاجەتتى داعدىلارى، جاستارعا بەرىلگەن مۇمكىندىك پەن سونى قالاي دۇرىس پايدالانۋ كەرەكتىگى جايىندا ءسوز بولادى.
