فوتو: سالي سابيروۆ، قازاقستان ۇوك ءباسپاسوز قىزمەتى
قازاقستاندىق بوكسشى ايدا ابىكەەۆا ليۆەرپۋلدەگى (ۇلىبريتانيا) الەم چەمپيوناتىنىڭ فينالىندا جەڭىسكە جەتتى، دەپ حابارلايدى “ادىرنا”
بوكسشى 65 كەلىگە دەيىنگى سالماقتىڭ اقتىق جەكپە-جەگىندە وزبەكستاندىق ناۆباحور حاميدوۆانى جەڭدى.
العاشقى ەكى راۋند وزبەك قىزىنىڭ پايداسىنا اياقتالدى. دەگەنمەن ايدا ءۇشىنشى راۋندتا جوعارى دەڭگەيدەگى بوكس ۇلگىسىن كورسەتىپ، جەڭىستى سۋىرىپ الدى. ناتيجەسىندە ەكى دۇركىن الەم چەمپيونى اتاندى.
وسىلايشا، قازاقستاننىڭ قورجىنىندا ءتورت التىن مەدال بار.
ۇقساس جاڭالىقتار
