قازاقستاندىق بوكسشى نازىم قىزايباي ليۆەرپۋلدە (ۇلىبريتانيا) ءوتىپ جاتقان الەم بىرىنشىلىگىنىڭ كۇمىس جۇلدەگەرى اتاندى، دەپ حابارلايدى “ادىرنا”.
وتانداسىمىز 48 كەلىگە دەيىنگى سالماقتىڭ اقتىق جەكپە-جەگىندە ۇندىستاندىق ميناكشيمەن قولعاپ ءتۇيىستىردى.
العاشقى راۋندتا ميناكشي 4:1 ەسەبىمەن باسىم ءتۇستى. ەكىنشى كەزەڭ 3:2 ەسەبىمەن نازىم قىزايبايدىڭ پايداسىنا اياقتالدى. دەگەنمەن تورەشىلەردىڭ شەشىمى بويىنشا ۇندىستاندىق بوكسشى جەڭىسكە جەتتى.
وسىلايشا، نازىم قىزايباي (48 كەلىگە دەيىن) قازاقستان قۇراماسىنىڭ قورجىنىنا العاشقى جۇلدەنى سالدى.
ايتا كەتۋ كەرەك، نازىم 1993 جىلى 14 قىركۇيەكتە الماتى وبلىسى جەتىگەن اۋىلىنىدا دۇنيەگە كەلگەن.
ۇقساس جاڭالىقتار
