الماتىدا كەپتەلىسكە بايلانىستى جۇمىس كەستەسى مەن وقۋ ۋاقىتى وزگەرتىلمەك

الماتىدا قالا اكىمى قاۋلىسىمەن جەرگىلىكتى اتقارۋشى ورگانداردىڭ جۇمىس رەجيمىنە وزگەرىستەر ەنگىزىلەدى، دەپ حابارلايدى "ادىرنا" ۇلتتىق پورتالى.

ەندى جۇمىس كۇنى تاڭعى 9:00-ءدىڭ ورنىنا 8:30-دا باستالادى. سونىمەن قاتار تۇسكى ءۇزىلىس ۇزاقتىعى 1 ساعاتتان 1,5 ساعاتقا دەيىن ۇزاردى. كەيبىر قىزمەتكەرلەر ءۇشىن كەلىسىم بويىنشا يكەمدى جۇمىس كەستەسى ەنگىزىلدى.

اكىمدىك دەپۋتاتتاردىڭ باستاماسىمەن جەكە كومپانيالاردىڭ كەڭسە قىزمەتكەرلەرىن قاشىقتان جۇمىس ىستەۋ فورماتىنا كوشىرۋ مۇمكىندىگىن قاراستىرىپ وتىر. دەگەنمەن، تۇپكىلىكتى شەشىمدى ءاربىر كومپانيا ءوزى قابىلدايدى. 

سونىمەن قاتار مەملەكەتتىك قىزمەتشىلەردىڭ دە ءبىر بولىگىن قاشىقتان جۇمىس ىستەۋگە كوشىرۋ ماسەلەسى قارالۋدا. قازاقستان زاڭناماسىنا سايكەس، قىزمەتكەرلەردىڭ 30%-دان اسپايتىن بولىگى عانا قاشىقتان ەڭبەك ەتە الادى.

كولىك جۇكتەمەسىن ازايتۋ ماقساتىندا ستۋدەنتتەردىڭ دە وقۋ كەستەسىنە وزگەرىس ەنگىزۋ ۇسىنىلدى. جوعارى وقۋ ورىندارى مەن كوللەدجدەردىڭ ءبىر بولىگى ساباقتارىن ساعات 8:00-دە باستاسا، قالعاندارى 10:00-دە باستايدى.

اكىمدىكتىڭ ايتۋىنشا، بۇل 637 مىڭنان استام ستۋدەنتتىڭ قوزعالىس اعىنىن ءبولىپ، جولدارداعى قاربالاستى جەڭىلدەتۋگە مۇمكىندىك بەرەدى.