پولشادا قازاقستان ەلشىلىگىندەگى اسكەري اتتاشەنىڭ كومەكشىسى ۇستالدى. بۇل تۋرالى بۇگىن قورعانىس مينيسترلىگىنىڭ حالىقارالىق قاتىناستار ورتالىعى ايتتى، دەپ حابارلايدى «ادىرنا» ءتىلشىسى.
«پولشا قۇقىق قورعاۋ ورگاندارىنىڭ قازاقستاندىق اسكەري اتتاشەنىڭ اپپارات قىزمەتكەرىن ۇستاۋ فاكتىسىن راستايمىز. قازىرگى ۋاقىتتا بۇل جاعدايدى شەشۋ ءۇشىن شەتەلدىك تاراپپەن ءوزارا ءىس-قيمىل جاسالۋدا. سونداي-اق قازاقستان رەسپۋبليكاسى ازاماتىنىڭ قۇقىقتارى مەن زاڭدى مۇددەلەرىن قورعاۋ بويىنشا قاجەتتى شارالار قابىلدانۋدا»،-دەلىنگەن حابارلامادا.
30 شىلدەدە پولشا بيلىگى بىدگوشش قالاسىندا ورتالىق ازيا ەلدەرىنىڭ ءبىرىنىڭ سىرتقى بارلاۋ قىزمەتىنىڭ وفيتسەرى ۇستالىپ، ءۇش ايعا قاماۋعا الىنعانىن مالىمدەدى. بىراق ناقتى قاي ەلدىڭ ازاماتى ەكەنى ايتىلمادى. ال جاقىندا بىرقاتار باق-تا پولشادا قازاقستاننىڭ اسكەري اتتاشەسىنىڭ كومەكشىسى تىڭشىلىق جاسادى دەگەن كۇدىكپەن تۇتقىندالدى دەگەن اقپارات تارادى.
