قازاقستاندىقتار قر قورعانىس ءمينيسترى رۋسلان جاقسىلىقوۆتىڭ وتستاۆكاعا كەتۋىن تالاپ ەتىپ، توقاەۆتىڭ اتىنا پەتيتسيا جاريالادى. بۇل تۋرالى "ادىرنا" ۇلتتىق پورتالى حابارلايدى.
"قاسىم-جومارت توقاەۆ قاسكەلەڭ قالاسىنىڭ تۋماسى رۋسلان جاقسىلىقوۆتى قر-نىڭ قورعانىس ءمينيسترى قىزمەتىنە تاعايىنداۋ تۋرالى جارلىققا 2022 جىلعى 19 قاڭتاردا قول قويدى. 2022 جىلى 6 مامىردا وعان "گەنەرال-پولكوۆنيك" اتاعى بەرىلدى. سودان بەرى باق بەتتەرىندە جاس ساربازداردىڭ ءولىمى تۋرالى تاقىرىپتار توقتار ەمەس. قازاقستان ارمياسىندا بەيبەرەكەتتىك ورىن الۋدا. اتا-انالار بالالارىن اسكەرگە جىبەرگىسى كەلمەيدى. جاستاردى ۇرلاپ، ءماجبۇرلى تۇردە اسكەري قىزمەتكە جىبەرۋ فاكتىلەرى ورىن الدى. ءبىز، پەتيتسياعا قول قويعان ازاماتتار، ەل پرەزيدەنتىنەن شۇعىل تۇردە قر-نىڭ قورعانىس ءمينيسترى رۋسلان جاقسىلىقوۆتى قىزمەتىنەن بوساتۋدى تالاپ ەتەمىز",- دەلىنگەن پەتيتسيادا.
"ادىرنا" ۇلتتىق پورتالى