جاس جۋرناليست راۋان مۋتاير ءوزىنىڭ Instagram پاراقشاسىندا قوعامدا وزەكتى تاقىرىپقا اينالعان "بازز لايتەر" مۋلتفيلمىنە قاتىستى پىكىر بىلدىرگەن مادەنيەت ءمينيسترى داۋرەن اباەۆ پەن نۇرتاس ادامبايعا ۇندەۋ جاريالادى، دەپ جازادى "ادىرنا" ءتىلشىسى.
"بۇگىنگى قوعامنىڭ باتىرلارى سويلەۋ مادەنيەتى مەن انا ءتىلىن ۇيرەنسە ەكەن!" دەپ باستادى ول جازباسىن.
"قۇرمەتتى داۋرەن اسكەربەكۇلى، @dauren_aba نۇرتاس ادامباي. @nurtasadambay ەلىمىزدە بازز لايتەر مۋلتفيلمىنە تىيىم سالىنعانىمەن تولىق تۋىندىنى ەشكىم كورمەسە دە، سول ءبىر ءسۇيىسىپ تۇرعان ەپيزودتى سىزدەردىڭ ارقالارىڭىزدا بۇكىل جۇرت سۋرەتتەن-اق كورىپ تاستادى. بۇل اقىلعا، لوگيكاعا سىيمايتىن ارەكەت.
1. تۇركىستانداعى اجەمىز قازاق ارنالارىندا كورسەتىلىپ جۇرگەن ءۇندى، تۇرىك سەريالدارىنا نارازىلىعىن بىلدىرگەندە، ءمينيستىرىمىز “ۇناماسا پۋلتپەن اۋىستىرا سالىڭىز” دەگەن! ەندەشە نەگە “بازز لايتەر”ۇنامايتىندارعا تىيىم سالماي-اق “كورمەي اق قويىڭىزدار” دەمەسكە!
2. ەكىنشى ماسەلە وسى ۋاقىتقا دەيىن قانشاما كوتەرىلگەن داۋ ەدى قالاۋلىم باعدارلاماسى، قازىر ءبىر ەمەس ەكى ارنادان “بىربولايىق” پەن “قوسلايىق” 4 ساعاتتىق ەفير. قانشاما ادامداردى ساناسىن ۋلاۋدا. مۋلتفيلمدەگى 4 سەكۋندتىق ءسۇيىسۋدى ەمەس، 4 ساعاتتىق نادانداردىڭ ەفيرىن ۋايىمداۋىمىز كەرەك.
3. ءۇشىنشى ماسەلە فەمينيزم تاقىرىبىنا قارسى بولساڭىزدار. نەگە قازاقستانداعى لگبت-نىڭ رەسمي ۇيىمى “فەمينيتاعا” قارسى كۇرەسپەيسىزدەر؟ ينستاگرام، تيك-توك الەۋمەتتىك جەلىلەردە وزدەرىن ەمىن-ەركىن ناسيحاتتاپ ءجۇر، قانشاما بالالارىمىز تيك-توكتان كوزىن اشپايدى. ال 8 ناۋرىز كۇنى ەلىمىزدە لگبت وكىلدەرى ميتينگكە شىققاندا قايدا بولدىڭىزدار؟ الدە وعان شامالارىڭىز جەتپەي ما؟
4. ءتورتىنشى ماسەلە ءتىل ماسەلەسى قۇرمەتتى نۇرتاس ادامباەۆ @nurtasadambay دىندى بەرىك ۇستاناتىن ادام رەتىندە سىزگە قۇراننان ايات كەلتىرگەندى ءجون كوردىم. جەر بەتىندەگى ادامداردىڭ ءارتۇرلى ۇلت وكىلدەرىنەن بولۋى – اللانىڭ ۇلكەن نىعمەتتەرى مەن بەلگىلەرىنىڭ ءبىرى. حاق تاعالا قۇراندا: «كوك پەن جەردىڭ جاراتىلۋى مەن تىلدەرىڭنىڭ جانە تۇرلەرىڭنىڭ الۋان ءتۇرلى بولۋى ونىڭ بەلگىلەرىنەن. ءشۇباسىز مۇندا ءبىلىم يەلەرى ءۇشىن عيبراتتار بار»، – دەيدى («رۋم سۇرەسى»، 22-ايات).ادام بالاسى دۇنيەگە كەلگەن سوڭ، راببىسىن تانىماس بۇرىن، جارىق دۇنيەنى تانىپ-بىلە باستايدى. ول ءۇشىن، ەڭ اۋەلى، انا ءتىلىن ۇيرەنۋى قاجەت. ءتالىم-تاربيەنى، جاقىندارىمەن قارىم-قاتىناستى تۋعان تىلىندە الا باستايدى. بۇل جونىندە احمەت يۇگىنەكي: «تاربيە باسى – ءتىل!»، – دەپ، ءدال ايتىپ كەتكەن بولاتىن. ولاي بولسا، قۇراندى ۇيرەنگەن ادامعا، انا ءتىلىن ۇيرەنۋى قيىنعا سوقپايتىنا ەش كۇمانىم جوق.
بولماشى ءبىر مۋلفيلمگە تىيىم سالعان ەكەنسىزدەر، اۋىز تولتىرا ماقتانىپ، باتىرسىماق بولماڭىزدار ەلىمىزدە ودان دا باسقا ماڭىزدى ماسەلەلەر تولىپ جاتىر!" دەپ جازدى راۋان ءوز جازباسىندا.
پوسموترەت ەتۋ پۋبليكاتسيۋ ۆ Instagram
"ادىرنا" ۇلتتىق پورتالى
