ەلوردا اكىمى التاي كولگىنوۆ بريفينگتە 1,9 ميلليون تەڭگە جالاقى الۋ سەبەبىن ءتۇسىندىردى، دەپ حابارلايدى "ادىرنا" پورتالى.
بۇعان دەيىن اكىم اسحات نيازوۆتىڭ YouTube جەلىسىندەگى سۇحباتىندا جالاقىسى تۋرالى ايتقان بولاتىن. بريفينگتە ول بارلىق قالا باسشىلارىنىڭ جالاقىسى اكىمدىك سايتىندا كورسەتىلگەنىن اتاپ ءوتتى.
اكىم التاي كولگىنوۆ اتاپ وتكەندەي، جالاقى مولشەرى ۇلكەن جاۋاپكەرشىلىكپەن بايلانىستى. ونىڭ ىشىندە قالا بيۋدجەتى 800 ملرد. تەڭگەنى قۇرايدى.
ء"بىلىم باسقارماسىنىڭ بيۋدجەتى 120 ملرد. باسقارما باسشىسى 600 مىڭ تەڭگە الادى. بۇل ۇلكەن جاۋاپكەرشىلىك. مەنىڭ ويىمشا، ەڭبەك اقىلى بولۋى كەرەك، بىراق بۇل جەردە اقشا تابۋ ماقساتىم ەمەس، ەڭ باستىسى قوعامعا پايدا اكەلۋ", دەدى ەلوردا اكىمى.
