قازاقستاننىڭ بۇرىنعى كولىك جانە كوممۋنيكاتسيا ءمينيسترى قاجىمۇرات ناعمانوۆ 74 جاسقا قاراعان شاعىندا ومىردەن ءوتتى. بۇل تۋرالى «قازاقستان تەمىر جولى» ۇك» اق ءباسپاسوز قىزمەتى حابارلادى، دەپ جازادى "ادىرنا" ۇلتتىق پورتالى.
"2022 جىلدىڭ 3 شىلدەسىندە قازاقستان رەسپۋبليكاسىنىڭ بۇرىنعى كولىك جانە كوممۋنيكاتسيا ءمينيسترى، "قازاقستان تەمىر جولى" ۇك" اق-نىڭ بۇرىنعى ۆيتسە - پرەزيدەنتى، قازاقستاننىڭ كولىك سالاسىنىڭ دامۋىنا قوماقتى ۇلەس قوسقان قاجىمۇرات ىبىرايۇلى ناعمانوۆ ومىردەن ءوتتى", - دەلىنگەن جەكسەنبى كۇنگى حابارلامادا.
قاجىمۇرات ناعمانوۆ بۇدان بولەك 1990 جىلداردىڭ سوڭىندا جەزقازعان جانە شىعىس قازاقستان وبلىسى اكىمى قىزمەتىن اتقاردى. "قازاقستان تەمىر جولى" ۇلتتىق كومپانياسىنىڭ ۆيتسە-پرەزيدەنتى، قر پرەزيدەنتىنىڭ كەڭەسشىسى بولدى.
"ادىرنا" ۇلتتىق پورتالى
