الماتى اكىمدىگى روزا رىمباەۆانىڭ كونتسەرتىنە 111 ملن تەڭگە بولمەك

1753
Adyrna.kz Telegram

الماتى اكىمدىگى قازاقستاننىڭ حالىق ءارتىسى روزا رىمباەۆانىڭ مەرەيتويلىق كونتسەرتىنە 111 ملن تەڭگە بولمەك، دەپ حابارلايدى “ادىرنا” ۇلتتىق پورتالى Ulysmedia.kz سايتىنا سىلتەمە جاساپ. 

بۇل تۋرالى Facebook جەلىسىندە ەرلان نۇرپەيىسوۆ ەسىمدى ازامات جازدى. ونىڭ سوزىنشە، الماتى اكىمدىگىنىڭ مادەنيەت باسقارماسى بويىنشا وسى جىلعا ارنالعان بيۋدجەت جوباسىندا روزا رىمباەۆانىڭ ەسەپ بەرۋ كەشىنە 111 ملن تەڭگە ءبولۋ كوزدەلگەن.

“بيلەتتەر ادەتتەگىدەي ساتىلىمعا شىعارىلىپ، اكىمدىك جارناما جانە كونتسەرت وتەتىن ورىندى تەگىن ۇسىنىپ، نەگە كوممەرتسيالىق كەش وتكىزىلمەيدى؟ ەگەر اكىمدىك حالىقتىڭ قارجىسىمەن كونتسەرتتىڭ بارلىق شىعىنىن جاپقىسى كەلسە، اشىق تەندەر وتكىزىلەدى دەپ ۇمىتتەنەمىن، ويتكەنى تەك دىبىس پەن جارىقتىڭ وزىنە 46 ملن تەڭگە جۇمسالماقشى”، – دەپ جازدى ول.

سونداي-اق، كەشتى جارنامالاۋ ءۇشىن 17 ملن تەڭگە جۇمساۋ كوزدەلىپتى.

“ەگەر اكىمدىك بارلىق شىعىندى كوتەرەتىن بولسا، جارناماعا نەلىكتەن مۇنشا قارجى جۇمسالۋى كەرەك؟ كوممەرتسيالىق ينۆەستيتسيالار بولماسا، كىرىس كۇتۋدىڭ دە قاجەتى جوق پا؟ الدە بيلەتتەر ساتىلىمعا شىعارىلا ما؟ ەگەر ساتىلاتىن بولسا، تۇسكەن اقشا كىمنىڭ قالتاسىنا تۇسەدى؟”، – دەپ تاڭىرقايدى جازبا يەسى.

“ادىرنا” ۇلتتىق پورتالى

پىكىرلەر