سوت تاربيەشىنى كىنالى دەپ تاۋىپ، ونى 15 جىلعا باس بوستاندىعىنان ايىردى. ودان قالدى، مەيىرگۇل جالىموۆا جابىرلەنۋشى تاراپقا 3 ميلليون تەڭگە وتەماقى تولەيتىن بولدى. جالعىز ۇلىنىڭ ءولىمى ءۇشىن اناسى ودان 30 ميلليون تەڭگە تالاپ ەتكەنىن ايتا كەتەيىك. الايدا، سۋديا كامەلەتكە تولماعان ءۇش قىزىنىڭ بارىن ەسكەرىپ، سومانى ون ەسەگە قىسقارتىپ تاستادى. دەسە دە، اتىشۋلى ءىس مۇنىمەن اياقتالمايىن دەپ تۇر. ويتكەنى، سوتتالۋشىنىڭ تۋىستارى ينتەرناتتاعىلاردىڭ وزدەرىنە اقشا ۇسىنعانىن ايتتى دەپ حابارلايدى كتك ارناسىنان. ەستەرىڭىزدە بولسا تالعار قالاسىنداعى مۇگەدەك بالالارعا ارنالعان ينتەرناتتا تۇنگى كەزەككە قالعان كۇتۋشى جىلاپ قويماعان سەگىز جاسار بالانى توسەگىندە تۇنشىقتىرىپ، ارتىنشا جۋىناتىن بولمەگە سۇيرەپ اپارىپ بۋىندىرىپ ولتىرگەن ەدى. بالانى بۋىندىرىپ ءولتىردى دەگەن كۇتۋشى 30 جاستا، ءۇش بالانىڭ اناسى.
ايدا قوجمامبەت
