ەكس-مينيستر ءبىرتانوۆ بوساپ شىعۋى مۇمكىن

1828
Adyrna.kz Telegram

بۇرىنعى دەنساۋلىق ساقتاۋ ءمينيسترى ەلجان ءبىرتانوۆ بوساپ شىعۋى مۇمكىن، دەپ حابارلايدى "ادىرنا" ۇلتتىق پورتالى.

بۇل تۋرالى https://t.me/dalainside تەلەگرامم كانالى جازدى.

"نەگىزى ءبىرتانوۆتى نازارباەۆ كلانىنىڭ شەنەۋىكتەرى پاندەميا كەزىندە ۇلتتىق قوردان بولىنگەن قارجىنى جەۋگە كەدەرگى بولماسىن دەپ، ءتۇرلى سىلتاۋمەن قىلمىستىق ءىس قوزعاپ، الىپ تاستاعان بولاتىن. قازىر وعان دەگەن كوزقاراس وزگەردى. ەگەر شەتەلدەن شاقىرعان ماماندار سوتتا مينيسترلىك قابىلداعان اقپاراتتىق جۇيەنىڭ دۇرىس جۇمىس ىستەيتىندىگىن دالەلدەپ بەرسە، وندا وعان تەك "ساناۆياتسيا ۇشاعىن زاڭسىز پايدالاندى" دەگەن ايىپ قانا قالادى. ول بويىنشا، ايىپپۇل تولەپ، شارتتى جازامەن سوت زالىنان بوساپ شىعۋعا مۇمكىندىك بار", — دەلىنگەن كانالدا.

ەلجان ءبىرتانوۆ وتە مىقتى دارىگەر بولعاندىقتان، بوساپ شىققاننان كەيىن سول دارىگەرلىك ءىسىن جالعاستىرۋى مۇمكىن.  ازىرگە سوت ەكس-ءمينيستردىڭ ءىسىن "مايشاممەن" قاراپ جاتىر.

 

 "ادىرنا" ۇلتتىق پورتالى      

 

 

پىكىرلەر