باسپاناسىز جۇرگەندەر “ميلليونەرلەر” بولىپ شىقتى

2000
Adyrna.kz Telegram

اقتوبەدە باسپاناسىز جۇرگەندەر 800 ميلليون تەڭگە اينالىمى بار فيرمالاردىڭ ديرەكتورلارى مەن قۇرىلتايشىلارى بولىپ شىقتى، دەپ حابارلايدى “ادىرنا” ۇلتتىق پورتالى “Tengrinews.kz”-كە سىلتەمە جاساپ.

اقتوبە قالاسىنداعى الماتى اۋدانىنىڭ پروكۋراتۋراسى ومىرلىك قيىن جاعدايدا قالعان ادامداردى الەۋمەتتەندىرۋ ورتالىعىندا زاڭبۇزۋشىلىقتاردى انىقتادى. ورتالىقتا تۇراتىن 14 ادام كاسىپكەر، جاۋاپكەرشىلىگى شەكتەۋلى سەرىكتەستىكتىڭ ديرەكتورى جانە قۇرىلتايشىسى رەتىندە تىركەلگەن.

"ساۋالناما الىنعان "كاسىپ يەلەرى" بۇعان ەش قاتىسى جوقتىعىن، ولاردىڭ ۇشەۋى 1 جانە 2-توپتاعى مۇگەدەكتەر ەكەنىن كورسەتكەن. سونىمەن قاتار، 2021 جىلدان 2022 جىلدىڭ ساۋىرىنە دەيىن مۇنداي "بيزنەس" اينالىمى شامامەن 800 ميلليون تەڭگە بولعان", - دەدى اقتوبە قالاسى الماتى اۋدانىنىڭ پروكۋرورى جاسۇلان داۋلەمباەۆ.

جۇرگىزىلگەن تالداۋ ناتيجەلەرى بويىنشا سالىق ورگاندارىنا زاڭبۇزۋشىلىقتاردى جويۋ تۋرالى ۇسىنىس ەنگىزىلىپ، ماتەريالدار پروتسەسسۋالدىق شەشىم قابىلداۋ ءۇشىن ەكونوميكالىق تەرگەۋ دەپارتامەنتىنە جولدانعان.

 

”ادىرنا” ۇلتتىق پورتالى

پىكىرلەر