نيكاراگۋا پرەزيدەنتى ءوز ەلىنىڭ اۋماعىنا رەسەي اسكەرىن كىرگىزۋگە كەلىستى

بۇل تۋرالى La Gaceta ۇكىمەتتىك گازەتىنە سىلتەمە جاساپ، El Pais جازدى.

"رەسەي فەدەراتسياسى قارۋلى كۇشتەرىنىڭ قىزمەتكەرلەرى، كەمەلەرى مەن اۆياتسياسى جاتتىعۋلار، سونداي-اق گۋمانيتارلىق كومەك كورسەتۋ ماقساتىندا، توتەنشە جاعدايلار نەمەسە تابيعي اپاتتار كەزىندە ىزدەستىرۋ-قۇتقارۋ جانە اۆاريالىق - قۇتقارۋ جۇمىستارىن جۇرگىزۋ ءۇشىن تەرريتوريامىزعا كىرە الادى", - دەلىنگەن حابارلامادا.

نيكاراگۋا، گوندۋراس جانە سالۆادورداعى رەسەي ەلشىسى الەكساندر حوحوليكوۆ بۇعان دەيىن رەسەي فەدەراتسياسىنىڭ اسكەري ماماندارى نيكاراگۋادا اشىق جانە زاڭدى تۇردە جۇمىس ىستەيتىنىن، قاجەت بولعان جاعدايدا كەمەلەر مەن ۇشاقتار وسى ەلدىڭ پورتتارى مەن اەرودرومدارىندا بولا الاتىندىعىن راستادى.