ەلىمىزدىڭ كوك تۋىن ساحناعا الىپ شىعىپ، بالاعات سوزدەر ايتقان "يرينا كايراتوۆنا" توبىنىڭ مۇشەسى مەن كوپشىلىك Shiza دەپ تانيتىن اسحات جولشيەۆتىڭ ارەكەتىن انشىلەر قاتاڭ سىنعا الۋدا. مەيرامبەك بەسپاەۆ تا بۇل كەلەڭسىز جاعدايعا پىكىر ءبىلدىرىپ، ولاردى قاتاڭ جازالاۋدى تالاپ ەتتى، دەپ حابارلايدى "ادىرنا" ۇلتتىق پورتالى.
"ەگەمەندىگىمىز بەن ەلدىگىمىزدىڭ بەلگىسى، تاڭىردەن تىلەپ العان تاۋەلسىزدىگىمنىڭ سيمۆولى، قاستەرلى دە قاسيەتتى كوك تۋ سەنىڭ قادىرىڭە جەتە الماي جاتىرمىز-اۋ. توق زاماندا تۋعان جاستار ساحنا تورىنە شىعىپ، مەملەكەتتىك ءرامىزىمىزدى قورلاپ، اۋزىنا كەلگەنىن وتتاپ ويران سالۋدا. وسىنداي ەسەرلىك پەن ەسسىزدىكتىڭ سازايىن بەرەتىن زاڭ ورىندالۋى ءتيىس. مەيلى اي بول، جۇلدىز بول، كىم بولساڭ ول بول ءبىزدىڭ كوك تۋىمىزدى قورلاۋعا ەشكىمنىڭ قاقىسى جوق. بۇل ءبىر “كەشىرىم” سۇراپ قۇتىلا سالاتىن ماسەلە ەمەس. قاتاڭ تۇردە جازاسىن الىپ، ايىبىن وتەۋى ءتيىس", — دەپ جازدى ءانشى ءوزىنىڭ ينستاگرام پاراقشاسىندا.
ەسكە سالا كەتەيىك، 25 مامىردا الماتىداعى بالۋان شولاق اتىنداعى سپورت سارايىندا وتكەن كونتسەرتتە Shiza كوك تۋدى قولىنا وراپ الىپ، بالاعات سوزدەرىن قولدانعان. ال "يرينا كايراتوۆنا" توبىنىڭ مۇشەسى ازامات ماركلەنوۆ بەلگىسىز سەبەپپەن كۇلىپ، ونى قولداعانداي قىلىق كورسەتكەن بولاتىن.
"ادىرنا" ۇلتتىق پورتالى.
