اقمولا وبلىسىندا ەر ادام كاماز جۇك كولىگىنىڭ سالونىنان قوزعالىس كەزىندە قۇلاپ، قازا تاپتى. پوليتسەيلەر تەرگەۋ جۇرگىزۋدە، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
19 مامىردا كەشكى ساعات 23:00-دەن كەيىن ساندىقتاۋ اپب پوليتسيا بولىمىنە ۋچاسكەلىك پوليتسيا ينسپەكتورىنا جەرگىلىكتى تۇرعىننىڭ قازا بولعانى تۋرالى تەلەفون حابارلاماسى كەلىپ ءتۇستى.
وقيعا ورنىنا دەرەۋ كەلگەن جەدەل-تەرگەۋ توبى 48 جاستاعى اۋىل شارۋاشىلىعى كاسىپورنىنىڭ قىزمەتكەرى مادەنيەت اۋىلىنان ەكى شاقىرىم قاشىقتىقتا ءجۇرىپ كەلە جاتقان كاماز جۇك كولىگىنىڭ جولاۋشىلار ورىندىعىندا بەلگىسىز جاعدايدا سالوننان قۇلاپ، كولىكتىڭ ارتقى دوڭگەلەگىنىڭ استىنا تۇسكەنىن انىقتادى.
العان جاراقاتتاردان ەر ادام وقيعا ورنىندا كوز جۇمدى. قايعىلى وقيعا كەزىندە اۋىر جۇك كولىگىنىڭ رولىندە 25 جاستاعى جەرگىلىكتى تۇرعىن وتىرعان.
قازىرگى ۋاقىتتا ساندىقتاۋ اپب تەرگەۋ ءبولىمى اتالعان فاكتى بويىنشا قر قك-ءنىڭ 345-بابىنىڭ 3-بولىگى ء(اۆتوموبيلدى، تروللەيبۋستى، ترامۆايدى نە باسقا مەحانيكالىق كولىك قۇرالىن باسقاراتىن ادامنىڭ جول ءجۇرىسى نەمەسە كولىك قۇرالدارىن پايدالانۋ ەرەجەلەرىن بۇزۋى) بويىنشا سوتقا دەيىنگى تەرگەۋدى باستادى. سوت-مەديتسينالىق ساراپتاما تاعايىندالدى.
