مەملەكەت باسشىسى سەنات توراعاسى ماۋلەن اشىمباەۆتى قابىلدادى، دەپ حابارلايدى "ادىرنا" ۇلتتىق پورتالى "akorda.kz"-كە سىلتەمە جاساپ.
قاسىم-جومارت توقاەۆقا پالاتا دەپۋتاتتارىنىڭ كونستيتۋتسياعا وزگەرىستەر مەن تولىقتىرۋلار ەنگىزۋ جونىندەگى رەفەرەندۋمدى تالقىلاۋ ءۇشىن وڭىرلەرگە جاساعان ساپارى تۋرالى باياندالدى. قازىرگى ۋاقىتتا 150-دەن استام ءىس-شارا وتكەن، ونىڭ كوبى نەگىزىنەن شاعىن قالالاردا، كەنتتەر مەن شالعاي اۋىلداردا ۇيىمداستىرىلدى.
پرەزيدەنت ۇكىمەتپەن جانە جەرگىلىكتى اتقارۋشى ورگاندارمەن بىرلەسىپ، اتالعان ماسەلەلەردى شەشۋ جۇمىستارىن جالعاستىرۋ قاجەت ەكەنىن اتاپ ءوتتى.
ماۋلەن اشىمباەۆ قاسىم-جومارت توقاەۆقا ايماقتاعى مەملەكەتتەردىڭ زاڭ شىعارۋشى ورگاندارىمەن اراداعى ىنتىماقتاستىقتى نىعايتۋ جونىندە مالىمەت بەردى. وتكەن اپتادا سەناتورلار اشحابادتا وتكەن «ورتالىق ازيا – رەسەي» اتتى پارلامەنتارالىق فورۋمعا قاتىستى.
ىقپالداستىقتىڭ جاڭا فورماتى ارال تەڭىزى وڭىرىندەگى ەكولوگيالىق احۋال، ترانسشەكارالىق وزەندەردى بىرلەسىپ پايدالانۋ، شەكارا ماڭىنداعى وڭىرلەردىڭ ىنتىماقتاستىعى، سونداي-اق اۋعانستانداعى جاعدايعا بايلانىستى ايماقتىق قاۋىپسىزدىك ماسەلەسى سياقتى وزەكتى پروبلەمالاردى شەشۋ جونىندەگى دەپۋتاتتاردىڭ بىرلەسكەن جۇمىسىن جانداندىرۋعا ىقپال ەتەدى.
"ادىرنا" ۇلتتىق پورتالى
