شىمكەنتتە تەرگەۋ يزولياتورىندا كىسى ءولتىردى دەگەن كۇدىكتى سۋيتسيد جاسادى، دەپ حابارلايدى 1ادىرنا" ۇلتتىق پورتالى "Ulysmedia.kz"-كە سىلتەمە جاساپ.
قالالىق قىلمىستىق-اتقارۋ جۇيەسى دەپارتامەنتىنىڭ مالىمەتىنشە، 1962 جىلى تۋعان ەر ادام وزىنە قول جۇمساۋ كەزىندە بەينەباقىلاۋ كامەراسىنا ءتۇسىپ قالماۋ ءۇشىن كورپەمەن بۇركەنگەن.
مەكەمە قىزمەتكەرلەرى جەدەل جاردەم بريگاداسىن شاقىردى. الايدا كوپ قان جوعالتقاندىقتان كۇدىكتى ولار كەلگەنگە دەيىن كوز جۇمدى.
ۆەدومستۆو وقيعا 20 ساۋىردە بولعانىن اتاپ ءوتتى. تەرگەۋ ماتەريالدارىنا سايكەس، سۋيتسيد تۇنگى ۋاقىتتا جاسالعان.
اتالعان فاكتىگە قاتىستى قىزمەتتىك تەكسەرۋ جۇرگىزىلىپ، بىرقاتار قىزمەتكەر جاۋاپكەرشىلىككە تارتىلعان.
"ادىرنا" ۇلتتىق پورتالى
