بيىل 1 ماۋسىمنان باستاپ وزبەكستاندا جۇمىس بەرۋشىلەر "Ўزبەكيستون بўيلاب سايوҳات قيل!" ("وزبەكستانعا ساياحاتتا!") باعدارلاماسى اياسىندا جىلىنا ءبىر رەت جۇمىسشىلارىنا ەل ىشىندە ساياحات جاساۋعا مۇمكىندىك بەرمەك، دەپ حابارلايدى "ادىرنا" ۇلتتىق پورتالى.
"centralasian.org" سايتىنىڭ حابارلاۋىنشا، وزبەكستان پرەزيدەنتى شاۆكات ميرزياەۆتىڭ 2 مامىرداعى جارلىعىنا سايكەس، شىعىننىڭ ءبىر بولىگىن جۇمىس بەرۋشىلەر تولەۋگە ءتيىس.
سونداي-اق 1 قىركۇيەكتەن باستاپ وزبەكستاندا ىشكى تۋريستەر ءۇشىن كەشبەك ەنگىزىلەدى. ەل ىشىندە ساياحات جاساعان تۇرعىنداردىڭ جولاقىسىنىڭ 15%-ى، قوناق ءۇي اقىسىنىڭ 20%-ى جانە تەاتر، مۋزەي، تسيرك، كورمە بيلەتتەرىنىڭ 50%-ى قايتارىلادى.
بۇل قاراجات تۋريزم مينيسترلىگى جانىنان قۇرىلعان قور ەسەبىنەن تولەنەدى. بيىل بۇل قورعا 30 ملرد سۋم (2 ملن 700 مىڭ دوللار) بولىنگەن. وسىلايشا وزبەك ۇكىمەتى ىشكى ءتۋريزمدى دامىتىپ، جەرگىلىكتى بيۋدجەتكە تۇسەتىن تابىس كولەمىن ارتتىرۋدى جوسپارلاۋدا.
"ادىرنا" ۇلتتىق پورتالى.
