پاۆلودار وبلىسىندا جوعالعان 27 جاستاعى جىگىت ىزدەستىرىلۋدە، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
30 ساۋىردە تەرەڭكول اۋدانىنىڭ پوليتسيا بولىمىنە ەر ادام 27 جاستاعى ۇلى دارحان بايتوكتى ىزدەۋدە كومەكتەسۋدى سۇراپ جۇگىندى. ول سول كۇنى ساعات 03:00 شاماسىندا قاراسۇق اۋىلىنان ءبىر شاقىرىم قاشىقتىقتاعى شالعىندى جەردەن بەلگىسىز باعىتقا بەت الىپ، وسى ۋاقىتقا دەيىن ونىڭ قايدا ەكەنى بەلگىسىز.
حابار-وشارسىز جوعالعان ادامنىڭ تۇرعان جەرىن انىقتاۋ ماقساتىندا پوليتسيا قىزمەتكەرلەرى جەدەل-تەرگەۋ توبىن قۇرىپ، ءوڭىردىڭ بارلىق اۋماقتىق بولىمشەلەرگە، سونداي-اق وبلىستاردىڭ پوليتسيا دەپارتامەنتتەرىنە باعدارلار جىبەردى.
– ءبىرىنشى كۇننەن باستاپ جوعالعان ادامنىڭ ورنالاسقان جەرىن انىقتاۋ بويىنشا ىزدەستىرۋ ءىس-شارالارى جۇرگىزىلۋدە. تۇرعىن ەمەس ۇيلەر، اعاش وتىرعىزۋ، بوس جەرلەر، سۋ ايدىندارى، قامىس قوپالارى، شالعىندار، سايلار، شۇڭقىرلار، اعاش وتىرعىزۋ، اۋىل شەتىندەگى جەرلەر، قاراۋسىز قالعان قۇرىلىستار، قۇرىلىستار مەن پىشەن سارايلارى پىسىقتالۋدا. دالا ايماعى مەن شالعىندار كۆادراكوپتەردىڭ كومەگىمەن قارالۋدا. پوليتسيادا پروفيلاكتيكالىق ەسەپتە تۇرعان ادامداردىڭ تۇراتىن جەرلەرى تەكسەرىلەدى. ىزدەۋگە ەرىكتىلەر مەن جاناشىر ازاماتتار، اۋىل تۇرعىندارى قوسىلدى. ىزدەۋ جۇمىستارى جالعاسۋدا، – دەپ اتاپ ءوتتى پوليتسيا.
ەگەر سىزدە بايتوك دارحان بويىنشا قانداي دا ءبىر اقپارات بولسا، پوليتسيا بارلىق ازاماتتاردان 102 تەلەفونىنا حابارلاۋدى نەمەسە “Police 102” ءموبيلدى قوسىمشاسىن پايدالانۋدى نەمەسە اقپاراتتى dp_pavlodar ينستاگرام ديرەگىنە اقپارات قالدىرۋدى سۇرايدى. انونيمدىلىككە كەپىلدىك بەرىلەدى.
«ادىرنا» ۇلتتىق پورتالى
