رەسەيلىك تاريحي قوعامداستىق قازاقستانداعى ەلدى مەكەندەرگە ۇلى وتان سوعىسىنداعى جەڭىسكە ۇلەس قوسقانى ءۇشىن "ەڭبەك ەرلىگى قالاسى" اتاعىن بەرۋدى ۇسىندى. مۇنداي باستاما قازاقستان قورعانىس ءمينيسترىنىڭ ورىنباسارى سۇلتان كامالەتدينوۆتىڭ ۇلتتىق اسكەري-پاتريوتتىق ورتالىقتا رەسەي تاريحي قوعامىنىڭ دەلەگاتسياسىمەن كەزدەسۋىندە ايتىلدى، دەپ جازادى "ادىرنا" ۇلتتىق پورتالى.
Tengrinews.kz حابارلاۋىنشا، تىزىمگە 11 قالا كىردى: نۇر-سۇلتان، الماتى، شىمكەنت، اقتوبە، قاراعاندى، قوستاناي، پەتروپاۆل، سەمەي، تاراز، ورال، وسكەمەن.
"ۇلى وتان سوعىسىنداعى جەڭىستىڭ 77 جىلدىعى قارساڭىندا ءبىزدىڭ اتالارىمىز بەن ارعى اتالارىمىز جاساعان ەرلىكتى ەسكە الۋعا دەگەن تۇراقتى باعىتىمىزدى راستايتىن ماڭىزدى ءىس-شارا وتكىزىلىپ جاتىر. رەسەيدە قۇرىلعان "ەڭبەك ەرلىگى قالاسى" جوباسى قازاقستاندا لايىق جالعاسىن تابا الادى. قازاقستاننىڭ سوعىس جىلدارىندا "مايدان ارسەنالىنا" اينالعانى، قورعانىس ونەركاسىبىنىڭ نەگىزگى بازاسىن وتىنمەن قامتاماسىز ەتكەنى، كومىر، ءتۇستى مەتالل وندىرگەنى، شيكىزات جانە ازىق - تۇلىك بازاسىنا اينالعانى، 220 ەۆاكۋاتسيالانعان فابريكا مەن زاۋىتتاردى قابىلداعانى بارشاعا ءمالىم", - دەدى گەنەرال-لەيتەنانت كامالەتدينوۆ.
قازاقستاننان قىزىل ارمياعا جۇمىلدىرىلعانداردىڭ جالپى سانى شامامەن 1 200 000 ادام بولدى، ولاردىڭ جارتىسى سوعىستان ورالمادى. 12 اتقىشتار جانە ءتورت اتقىشتار ديۆيزياسى، جەتى اتقىشتار بريگاداسى جانە 50-گە جۋىق جەكە پولكتەر مەن باتالوندار قۇرىلدى.
ۇلى وتان سوعىسىنداعى ەرلىگى ءۇشىن 500-گە جۋىق قازاقستاندىق كەڭەس وداعىنىڭ باتىرى اتاعىنا يە بولدى.
قاراعاندى وبلىسى 35 ميلليون توننا كومىر بەردى. وسى ۋاقىت ىشىندە تىل ەڭبەككەرلەرىنە 5 ميلليون توننادان اسا نان جانە 700 مىڭ توننادان اسا ەت ءوندىرىلدى. ۇلى وتان سوعىسى كەزىندە قىزىل ارميانىڭ 10 وقتىڭ 9-ى قازاقستاندىق قورعاسىننان قۇيىلعان.
"ادىرنا" ۇلتتىق پورتالى
