قازاقستان تۇڭعىش پرەزيدەنتى نۇرسۇلتان نازارباەۆتىڭ كومەكشىسى اباي بيسەمباەۆ قىزمەتىنەن بوساتىلدى. بۇل تۋرالى ساياساتتانۋشى ەربول ەدىلوۆ ءوزىنىڭ Telegram-ارناسىندا حابارلادى.
«اباي بيسەمباەۆ قازاقستان رەسپۋبليكاسى تۇڭعىش پرەزيدەنتى – ەلباسىنىڭ كومەكشىسى قىزمەتىنەن كەتتى» دەلىنگەن حابارلامادا.
Orda.kz مالىمەتىنشە، ءماجىلىس دەپۋتاتى ايدوس سارىم «Orda news» YouTube-ارناسىنا بەرگەن سۇحباتىندا قاندى قاڭتار كەزىندە نۇرسۇلتان نازارباەۆتى بيسەمباەۆ قۇتقاردى دەپ ايتقان بولاتىن.
– ەكس-پرەزيدەنت، ەلباسىنىڭ «قاڭتار وقيعاسىنا» ەش قاتىسى جوق شىعار. ول ءۇشىن بۇل ناعىز شوك بولدى. بارلىق تۋىسقاندارى دۋبايعا قاشىپ كەتكەندە، ول الماتىدان ۇشىپ كەلدى.
ول ءتىپتى ءوزىنىڭ قاۋىپسىزدىك قىزمەتىنە دە سەنبەدى، ونى كومەكشىسى اباي بيسەمباەۆ ءوز چارتەرىمەن، ءوز جەكە كولىگىمەن الماتىدان الىپ كەتتى.
ءسىز ءتىپتى بۇرىنعى پرەزيدەنتتىڭ ارنايى قىزمەتتەرگە قاتىستى قانداي دارەجەدە سەنىمسىزدىك تانىتقانىن ەلەستەتە الاسىز با؟ وسى اۋەجايدى ەكسترەميستەر باسىپ الماي تۇرىپ، ول استاناعا ۇشىپ ۇلگەردى.
ءبىر عانا فاكت، بىراق بۇل – ناقتى فاكت، ەكس-پرەزيدەنت ءوزىنىڭ كۇزەتىنە دە، مەملەكەتتىك كۇزەت قىزمەتىنە دە، كوميتەتكە دە سەنبەدى. ونى قر پرەزيدەنتى ءىسىن باسقارۋشى ءبىرىنشى ورىنباسارى بيسەمباەۆ قۇتقارىپ قالدى. ول ءوز كولىگىمەن پرەزيدەنتتى الىپ كەتتى. بۇل – ۇلكەن تراگەديا. مەن مۇندايدى ءوز باسىمنان وتكىزگىم كەلمەيدى، – دەدى سارىم.
”ادىرنا” ۇلتتىق پورتالى
