قر ءبىلىم جانە عىلىم ءمينيسترى اسحات ايماعامبەتوۆ پەداگوگتەردى اتتەستاتتاۋدى الىپ تاستاۋ تۋرالى ۇسىنىسقا پىكىر ءبىلدىردى، دەپ حابارلايدى "ادىرنا" ۇلتتىق پورتالى inform.kz-كە سىلتەمە جاساپ.
ۇلتتىق بىلىكتىلىك تەستىلەۋ كەزىندە مۇعالىمنىڭ قايتىس بولۋ وقيعاسىنان كەيىن مۇعالىمدەر تاپسىراتىن بىلىكتىلىك تەستەرىنىڭ سانى ازايا ما؟ باق وكىلدەرى ۇكىمەت وتىرىسىنان كەيىن وتكەن ءباسپاسوز ءماسليحاتىندا قر ءبىلىم جانە عىلىم ءمينيسترى اسحات ايماعامبەتوۆكە وسىنداي سۇراق قويدى.
«اتتەستاتسيا ءراسىمىن الىپ تاستاۋ – ەڭ كوپ تۇسەتىن ۇسىنىستاردىڭ ءبىرى. ونى مەن جاسىرا المايمىن. مۇنىڭ الدىندا 2018 جىلدان باستاپ اتتەستاتسيا ەنگىزىلدى. مەن وسى تەستىلەۋدى الىپ تاستايمىز دەسەم، ءبارى بورىكتەرىن اسپانعا لاقتىرىپ، قۋاناتىنى تۇسىنىكتى. بىراق بىزگە مۇنداي ارزان پيار قاجەت ەمەس. ەڭ قاجەتى – ءبىلىم بەرۋ ساپاسى»، -دەدى مينيستر. سونداي-اق ول سالاعا قاتىستى شەشىم قابىلداعاندا ەڭ اۋەلى جەكەلەگەن توپتارعا ەمەس، جالپى حالىققا پايدالى جاعىن نەگىزگە الاتىنىن ءتۇسىندىردى. «بىزدە ەڭ باستى ماسەلە – جاقسى ءبىلىم الۋ ماسەلەسى. سوندىقتان ءبىز بىرەۋگە ۇناۋ ءۇشىن، بىرەۋدىڭ ءتىلىن تابۋ ءۇشىن وسىندايشەشىمدەر قابىلدامايمىز. ءبىز ەلگە قاجەتتى شەشىم قابىلدايمىز. بۇل وتە ماڭىزدى ماسەلە. وسىعان كوڭىلدەرىڭىزدى اۋدارامىز»، - دەدى اسحات ايماعامبەتوۆ.
ەسكە سالساق، الماتىدا ۇلتتىق بىلىكتىلىك تەستىن تاپسىرىپ جاتقان مۇعالىم كوز جۇمدى.
"ادىرنا" ۇلتتىق پورتالى
