ءماجىلىس وتىرىسىندا ءبىلىم سالاسىنداعى بىلىقتى جايىپ سالعان دەپۋتات زالدان شىعىپ كەتتى

2836
Adyrna.kz Telegram

بۇگىن ءماجىلىستىڭ جالپى وتىرىسىندا دەپۋتات يرينا سميرنوۆا ءبىلىم سالاسىنداعى قوردالانىپ قالعان ماسەلەلەردى كوتەردى.

سوسىن دەپۋتات قىزۋقاندىلىققا سالىنىپ، وتىرىستىڭ سوڭىن كۇتپەي، ماجىلىستەن كەتىپ قالدى، دەپ حابارلايدى “ادىرنا” ۇلتتىق پورتالى  ەكسپرەسس ك سايتىنا سىلتەمە جاساپ. 

مەكتەپتە بولىپ جاتقان جاعداي وتە ماڭىزدى. ەگەر مەكتەپتەگى ءبىلىم ساپاسىز بولسا، مەملەكەتتىڭ بولاشاعى جوق. بۇل تۋرالى ايتۋدان شارشامايمىن. بۇرىنعى مينيستر اسلان ءسارىنجىپوۆتىڭ كەزىندەگى وقۋ باعدارلاماسىنا ءبىز قارسى شىقتىق. وسى جەردە سول ادامدار وتىر،

— دەدى يرينا سميرنوۆا.

ول اسلان ءسارىنجىپوۆ مينيستر بولىپ تۇرعاندا "قازاقستان گەوگرافياسى" مەكتەپ باعدارلاماسىنان الىپ تاستاعىسى كەلگەنىن ايتتى. بۇل ءپان قوعامداعى رەزونانستان كەيىن قالدىرىلعان بولاتىن.

قازىر وقۋ باعدارلاماسىندا جاڭارتۋلار بولىپ جاتىر. ال شىن مانىسىندە نە بولىپ جاتقانىن ءبارىمىز بىلەمىز. كىتاپتاردا قاتە كوپ. ءوزارا بايلانىس تا جوق. بالالارىنا ءبىلىم بەرىپ جاتقان اتا-انالارعا العىس ايتامىز،

— دەيدى دەپۋتات.

ول قازىرگى وقۋشىلار "ستاحانوۆشىلار" سياقتى مەكتەپتەن كەيىن رەپەتيتورلاردان، شەتەلدىك ينتەرنەت-مەكتەپتەردەن ءدارىس الاتىنىن ايتتى. ويتكەنى جاقسى ءبىلىم الۋ ءۇشىن ءبارى قوسىمشا ساباقتارعا بارۋعا ءماجبۇر.

بارلىق جەردە قوسىمشا وقيدى. ينتەرنەت ارقىلى شەت ەلدەن ءبىلىم الادى. ال ءبىلىم سالاسىنا ءبولىنىپ جاتقان قارجى بالالاردىڭ، حالىقتىڭ مۇددەسىنە جۇمسالماي وتىر. سەبەبى وندا پروبلەما شاش ەتەكتەن،

— دەيدى يرينا سميرنوۆا.

”ادىرنا” ۇلتتىق پورتالى

پىكىرلەر