ناۋرىز مەيرامىندا بەلبۇلاق اۋىلدىق وكرۋگىنىڭ اكىمى نۇربول دوسىمباەۆ 40 كەلى قوشقاردى مينۋتىنا 50 رەت كوتەردى، دەپ حابارلايدى "ادىرنا" ۇلتتىق پورتالى. بۇل تۋرالى talgarnewskz ينستا-پاراقشاسى جاريالادى.
تالدىبۇلاق اۋىلىنىڭ جىگىتتەرى اۋىل تۇرعىندارىنا ارناپ ناۋرىز تويىن ۇيىماستىردى.
مەرەكەلىك شاراعا مىڭنان استام ادام جينالدى. مىڭ ليتردەي ناۋرىز كوجە دايىندالىپ، تەگىن تاراتىلدى.
ناۋرىز مەيرامىندا اۋىل تۇرعىندارى ءبىر-ءبىر قوشقاردى يىعىنا كوتەرىپ، ءبىر مەزگىلدە بىرنەشە رەت وتىرىپ-تۇرىپ جارىسقا ءتۇستى. ودان وزگە قول كۇرەس، قوي كوتەرۋ سياقتى ءتۇرلى جارىستار ۇيىمداستىردى.
ءتىپتى 34 جاستاعى اۋىلدىق وكرۋگتىڭ اكىمىن اق كويلەك پەن كوستيۋم كيگەنى دە توقتاتپادى.
اكىمنىڭ وسىنداي ارەكەتىنەن كەيىن شاباندوزدار رەسپۋبليكالىق قوي كوتەرۋ جارىسىنا بۇرىنعىدان دا بەلسەنە قاتىسا باستادى، دەپ حابارلايدى تالعار اۋدانى اكىمىنىڭ ءباسپاسوز قىزمەتى.
ايتا كەتەيىك، 34 جاستاعى نۇربول دوسىمباەۆ جالپىحالىقتىق داۋىس بەرۋ ارقىلى اكىم بولىپ سايلاندى.
ول مەرەكە وتكەن تالدىبۇلاق اۋىلىندا تۋىپ-وسكەن.
