ماڭعىستاۋ وبلىسى ماڭعىستاۋ اۋىلىندا كولىك جاياۋ جۇرگىنشىلەر جولىندا بالانى قاعىپ كەتتى. وقيعا ۆيدەوعا ءتۇسىپ قالعان، - دەپ حابارلايدى "ادىرنا" ءتىلشىسى Lada.kz سايتىنا سىلتەمە جاساپ.
جەلىدە رەتتەلمەگەن جاياۋ جۇرگىنشىلەر وتكەلىندە بالانى قاعىپ كەتكەن ۆيدەو پايدا بولدى. وبلىستىق پوليتسيانىڭ حابارلاۋىنشا، جول-كولىك وقيعاسى 14 ناۋرىز كۇنى ساعات 13.30-دا ماڭعىستاۋ اۋىلىندا «كەلدامان» ساۋدا ۇيىنە قاراما-قارسى جەردە بولعان.
Opel Vectra كولىگىنىڭ جۇرگىزۋشىسى التى جاسار قىزدى قاعىپ كەتكەن.
"جابىرلەنۋشى اۋداندىق اۋرۋحاناعا جەتكىزىلدى. مەديتسينالىق كومەك كورسەتىلگەننەن كەيىن ۇيىنە شىعارىلدى. جۇرگىزۋشىگە قاتىستى 610-باپتىڭ 2-بولىگى "كولiك قۇرالدارى جۇرگىزۋشىلەرىنىڭ وزگەلەردىڭ دەنساۋلىعىنا جەڭىل زيان كەلتىرگەن جول قوزعالىسى ەرەجەلەرىن بۇزۋى" بويىنشا اكىمشىلىك حاتتامالار تولتىرىلدى جانە اقبتك-ءنىڭ 611-بابىنىڭ 2-بولىگى «جۇرگىزۋشىنىڭ ءوزى قاتىسۋشىسى بولعان جول-كولىك وقيعاسى بولعان جەردى ەرەجەنى بۇزا وتىرىپ تاستاپ كەتۋ» تارماعىنا سايكەس قىلمىستىق ءىس قوزعالدى»، - دەپ حابارلادى وبلىستىق پوليتسيا.
