بالالاردى وقتان قورعاعان بەلگىلى اكتەر پاشا لي كوز جۇمدى

2212
Adyrna.kz Telegram

6 ناۋرىزدا ۋكراينانىڭ يرپەن قالاسىندا اتىس كەزىندە اكتەر، تەلەجۇرگىزۋشى، ءانشى جانە مۋزىكانت پاشا لي كوز جۇمدى، دەپ حابارلايدى “ادىرنا” ۇلتتىق پورتالى Stan.kz سايتىنا سىلتەمە جاساپ.

"بىرگە سۋرەتكە ءتۇسىپ تە ۇلگەرمەدىك. جاتقان جەرىڭ جايلى بولسىن", – دەپ جازدى ۋكراينالىق ادۆوكات جانە جۋرناليست ياروسلاۆ كۋتس ءوز Facebook پاراقشاسىندا. 

پاشا ءليدىڭ تانىسى ءانشى كاماليانىڭ سوزىنشە، قالاداعى اتىس كەزىندە اكتەر ءوزىنىڭ بروندى كەۋدەشەسىن شەشىپ، ونىمەن بالالاردى جاۋىپ قالعان. پاشا مەن كاماليانىڭ مودەراتورى دميتري اۋىر جاراقات العان. 

"مەنىڭ مودەراتورىم ديما قۇرساق بولىگىنە، ارقاسىنان، ەكى اياعىنان اۋىر جاراقات العان. ولار پاشا ليمەن ءبىر باتالوندا قىزمەت ەتكەن. يرپەندە ورتەنىپ جاتقان ۇيدەن ادامداردى ەۆاكۋاتسيالاۋ كەزىندە ەكەۋى دە اۋىر جاراقات الدى. ءوزى بروندى كەۋدەشەلەرىن شەشىپ، بالالاردى وقتان قورعادى. بارلىق 9 بالا ءدىن-امان. وكىنىشكە وراي، پاشا ءليدى قۇتقارا المادى. ۋكراينالىق باتىرلار جاساسىن", –  دەپ جازدى كاماليا. 

پاشا لي 33 جاستا بولعان. جاقىندا ول ۋكراينا قارۋلى كۇشتەرىنىڭ اۋماقتىق قورعانىسى قاتارىنا قوسىلعان. 

"پاشا لي – كەرەمەت اكتەر، تالانتتى جانە مەيىرىمدى ادام، ارقاشان بىزبەن بىرگەسىڭ. سەن مەن بىلەتىن ەڭ كەرەمەت وزگە پلانەتالىق ەدىڭ. بۇگىن ءوزىڭنىڭ ادىلدىك پەن جارىق پلانەتاڭا ۇشىپ كەتتىڭ. پاشا يرپەندە وققا ۇشتى. ماڭگى ەسىمىزدەسىڭ", –  دەپ جازدى مۋزىكانت دميتري شۋروۆ. 

پاشا لي 1988 جىلى 10 شىلدەدە ەۆپاتوريا قالاسىندا دۇنيەگە كەلگەن. ول “شتولنيا”، “تەني نەزابىتىح پرەدكوۆ”، ۆسترەچا ودنوكلاسسنيكوۆ”، “پروۆينتسيال” جانە ت.ب. فيلمدەردە ويناعان. 

“ادىرنا” ۇلتتىق پورتالى

پىكىرلەر