رەسەي پرەزيدەنتى ۆلاديمير پۋتين ۋكرايناعا باسىپ كىرۋگە شەشىم قابىلداعان كەزدە قاتەلىك جىبەردى. ول ءوز مەملەكەتى مەن ارمياسىنىڭ شەكتەۋلى مۇمكىندىكتەرىن، سونداي-اق ۋكرايندىقتاردىڭ قازىرگى كەزدەگى قارسىلىعىن ەسكەرمەدى. مۇنداي ەسەپتەن جاڭىلىس سالدارىنان پۋتين ءوز بيلىگىن جوعالتىپ الۋى مۇمكىن. بۇل مالىمدەمەنى Clocktower Group كومپانياسىنىڭ باس ستراتەگى ماركو پاپيچ جاسادى، دەپ جازادى "ادىرنا" ۇلتتىق پورتالى Bloomberg سايتىنا سىلتەمە جاساپ.
ونىڭ پايىمداۋىنشا، ءپۋتيننىڭ رەسەي كوشباسشىسى رەتىندە ساتسىزدىككە ۇشىراۋى الداعى 12 ايدىڭ ىشىندە ورىن الۋى مۇمكىن. ساراپشى ساياساتكەرلەر شەكتەن تىس قاتە شەشىمدەر قابىلداپ، شەكتەۋلى مۇمكىندىكتەرىن ەلەمەگەن كەزدە، جازالاناتىنىن اتاپ ءوتتى.
"بىرىنشىدەن، ۋكرايندار وتە، وتە قاتتى سوعىسۋدا. ەكىنشىدەن، رەسەيلىك اسكەريلەردىڭ ناقتى سوعىس جۇرگىزۋ تاجىريبەسى بولعان جوق. ۇشىنشىدەن، ۋكراينا باسىپ الۋ ءۇشىن وتە قيىن جەر", - دەپ پاپيچ ءپۋتيننىڭ قاتەلىكتەرىن ءتىزىپ بەردى.
"ادىرنا" ۇلتتىق پورتالى
