اقش مەملەكەتتىك حاتشىسى ەنتوني بلينكەن ۋكراينانىڭ رەسەيمەن سوعىستا جەڭىسكە جەتۋى مۇمكىن دەگەن سەنىم ءبىلدىردى، دەپ حابارلايدى "ادىرنا" ۇلتتىق پورتالى. بۇل تۋرالى ونىڭ ۆۆس-گە بەرگەن سۇحباتىندا ايتىلدى.
امەريكالىق ديپلومات ۋكراين حالقىنىڭ رەسەيلىك باسقىنشىلارعا قارسى كۇرەستەگى ەرەكشە توزىمدىلىگىن جوعارى باعالادى.
«ەگەر ماسكەۋ قانداي دا ءبىر جولمەن ۇكىمەتتى قۇلاتىپ، ءوزىنىڭ قۋىرشاق رەجيمىن ورناتۋدى كوزدەيتىن بولسا، 45 ميلليون ۋكرايندىق مۇنى قابىلدامايدى»، - دەپ سەندىردى بلينكەن.
اقش مەملەكەتتىك دەپارتامەنتىنىڭ باسشىسى سوعىس ەندى اگرەسسور ەلدىڭ باسشىسى پۋتين جوسپارلاعانداي جۇرمەيتىنىن باسا ايتتى. ول رەسەي ارمياسىنىڭ باسىپ كىرۋدىڭ ونىنشى كۇنى ەل بويىنشا العا جىلجۋىنا كەدەرگى جاساۋدى جالعاستىرىپ جاتقان ۋكراين اسكەرلەرىنىڭ قيان-كەسكى قارسىلىعىن اتاپ ءوتتى.
"ادىرنا" ۇلتتىق پورتالى
