بۇگىندە ۇلكەن ارىپتەسىمىزگە اينالىپ وتىرعان قىتاي تىلىنە كوڭىل ءبولۋىمىز كەرەك. بۇل جونىندە مەملەكەت باسشىسى «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى بويىنشا قازاق تىلىنە اۋدارىلعان 18 كىتاپتىڭ سالتاناتتى تۇساۋكەسەر شاراسىندا مالىمدەدى، دەپ حابارلايدى Baq.kz تىلشىسى.
«قانشا ءتىل بىلسە، ادام سونشالىقتى مادەنيەتتى» دەگەن ءسوز بار ەمەس پە؟! بۇل وڭاي ءىس ەمەس. كەيدە بالالاردى ايايسىڭ. ولار ونسىز دا تاۋلىك بويى بوس ەمەس. الايدا، قازىر ولاردى ايايتىن بولساڭىز، ەرتەڭ وزىڭىزگە ۇرىسادى. ءبىزدى، مەنىڭ زامانداستارىمدى مۇلدە وقىتقان جوق. باستى ماسەلە اشتان ءولىپ قالماي، امان قالۋ بولىپ تۇرعاندا، قايدان وقىتسىن؟ ال قازىر وقىتۋ كەرەك. كۇشتەپ وقىتۋ كەرەك. ۇلى فيلوسوف شوپەنگاۋەر وزىنە ءتيىستىنى جاتتاعانىنا دەيىن اكەسى ونى ءۇش كۇن قاماۋدا ۇستاعانىن جازادى. سول سياقتى، كوپتەگەن ۇلى كومپوزيتورلاردى دا اتا-انالارى وسىنداي قاتالدىقپەن وقىتقان. مۇمكىن ولارعا سول كەزدە ۇناماعان بولار، ال ەسەيگەن سوڭ راحمەتىن ايتادى»، - دەدى پرەزيدەنت.
نازارباەۆ بىرنەشە ءتىل ءبىلۋ ۇلكەن مۇمكىندىكتەرگە ەسىك اشاتىنىن ايتتى.
«بىرنەشە ءتىل ءبىلۋ باسەكەلەستىكتى ارتتىرىپ قانا قويماي، ۇلكەن مۇمكىندىكتەرگە ەسىك اشادى. بىزدە مىڭداعان شەتەلدىك كومپانيا جۇمىس جاسايدى. ولاردىڭ ارقايسىسى وزىنە جۇمىسشى ىزدەيدى. ال، ەگەر، ول ءتىل بىلمەسە، قايتىپ الادى؟ جالپى، ءبىز مىنا قىتايدىڭ تىلىنە دە كوڭىل اۋدارۋىمىز كەرەك. ەڭ ۇلكەن ارىپتەسىمىز بولىپ كەلە جاتىر. وسىنىڭ بارلىعى ادام كاپيتالىنىڭ ساپاسىن، ەلدىڭ ينتەللەكتۋالدىق قۋاتىن بىلدىرەدى. ءبىز بالالارىمىز ءۇش تىلدە ءبىلىم الۋى ءۇشىن بارلىق جاعدايدى جاساپ جاتىرمىز. بۇل بالالار ءۇشىن تەك جاقسى نارسە، ەش جاماندىعى جوق. شۆەيتساريادا قاراپايىم تاكسيست ءتورت ءتىل بىلەدى. سەبەبى، وندا اعىلشىن، فرانتسۋز، نەمىس جانە يتاليا ءتىلى مىندەتتى بولىپ تابىلادى. ول تىلدەردىڭ بارلىعى مەملەكەتتىك تىلدەر. ەشتەڭە جوق، سولاي ءومىر ءسۇرىپ جاتىر عوي»، - دەدى ەلباسى.
Baq.kz
