11 جىلدىق ماتەماتيكا: قازاقستان مەن وزگە ەل وقۋلىقتارىنداعى ايىرماشىلىقتار

5084
Adyrna.kz Telegram

كەشە ماتەماتيكتەر سەزىنە بايلانىستى ءبىر توپ ماتەماتيك مينيسترمەن كەزدەستىك. اسحات قاناتۇلى باعدارلامادا كەتكەن قاتەلىكتەردى ءبىلىپ وتىرعانىن،  11 جىلدىق باعدارلامانى قايتا جاساپ شىعۋعا تاپسىرما بەرگەنىن ايتتى. كەزدەسۋدە ءبىراز ۇسىنىستارىمىزدى ايتتىق. بۇل جەردە مەنىڭ ايتايىن دەپ وتىرعانىم ول ەمەس.

 ماتەماتيكا 1-11 سىنىپقا دەيىن وتىلەتىن ەڭ ماڭىزدى ءپان ەكەنىن بىلەمىز. ال سونىڭ ىشىندە باستاۋىش ماتەماتيكاسى بارلىق ادامعا قاجەتتى نەگىزگى تاعان ەكەنى تۇسىنىكتى. وسىعان بايلانىستى بىرنەشە شاكىرتتەرىمىزبەن بىرگە قازاقستان باستاۋىش ماتەماتيكاسى مەن الەمدەگى كەيبىر ەلدەردىڭ ماتەماتيكاسى اراسىنداعى ايىرماشىلىقتار تۋرالى 3-سىنىپ باعدارلاماسىن نەگىزگە الا وتىرىپ، زەرتتەپ كورگەن ەدىك.

الدىمەن ءوزىمىزدىڭ باستاۋىش ماتەماتيكا باعدارلاماسىنىا قىسقاشا توقتالىپ وتەيىن.

باستاۋىش ماتەماتيكاسىنىڭ قازىرگى جاعدايىن بالاسى باستاۋىشتاعى اتا-انا مەن باستاۋىش سىنىپ مۇعالىمدەرى جاقسى تۇسىنەدى.

اتالمىش "سپيرالدى (شيرشىق) وقىتۋ" بويىنشا باستاۋىش ماتەماتيكا باعدارلاماسى مىنا بەس بولىمنەن تۇرادى.

1) ساندار مەن شامالار، 2) الگەبرا ەلەمەنتتەرى، 3) گەومەتريا ەلەمەنتتەرى، 4) جيىندار. لوگيكا ەلەمەنتتەرى، 5) ماتەماتيكالىق مودەلدەۋ. جانە بۇل بەس ءبولىم 1-, 2-, 3-, 4-سىنىپتادا بار. سول قايتالانىپ كەلە بەرەدى.

مىسالى «جيىن» مازمۇنى 1-سىنىپتادا، 2-, 3-, 4-سىنىپتادا كەزدەسەدى. 1-سىنىپتا «بوس جيىن» ۇعىمى بەرىلەدى اۋەلى. ال الەم ەلدەرىنىڭ ەشقايسىسىندا دا باستاۋىشتا «جيىن» جوق ەكەنىن بايقادىق.

باعدارلاما اۆتورلارىمەن دە كەزدەسۋدە وسى ماسەلەنى ايتىپ، مويىنداتا الماپ ەدىم.

3-سىنىپتاردا ماتەماتيكا اپتاسىنا 5 ساعات، وقۋ جىلىندا 170 ساعات.

C1C60BA2-2C42-43FD-A528-F772A6D79C8F.jpg

 3-سىنىپ بويىنشا باعدارلاما مەن وقۋلىققا زەرتتەۋ جۇمىسى

I. ءبىلىم بەرۋ بويىنشا الەمدىك رەيتينگ

II. 3-سىنىپ بويىنشا ءارتۇرلى مەملەكەتتەردىڭ باعدارلاماسى:

A. سينگاپۋر

B. رەسەي

C. وزبەكستان

D. بەلارۋس

E. قىتاي

F. فينليانديا

III. قازاقستاننىڭ 3-سىنىپقا نەگىزدەلگەن وقۋ باعدارلاماسى مەن وقۋلىقتاردىڭ اراسىنداعى بايلانىس.

 ءبىلىم بەرۋ بويىنشا الەمدىك رەيتينگ.

دۇنيەجۇزىلىك ەكونوميكالىق فورۋم جۇرگىزگەن  “The Global Competitiveness Report” زەرتتەۋ جۇمىسى بويىنشا مەملەكەتتەردىڭ باستاۋىش ءبىلىم بەرۋ دەڭگەيىنىڭ رەيتينگى قۇرىلعان بولاتىن (2018 جىل).

مەملەكەت

يندەكس

1

فينليانديا

6.7

2

شۆەيتساريا

6.2

3

سينگاپۋر

6.2

4

نيدەرلاندى

5.9

11

اقش

5.5

38

قىتاي

4.7

41

وڭتۇستىك كورەيا

4.6

50

رەسەي

4.4

68

قازاقستان

4.0

 3-سىنىپ بويىنشا ءارتۇرلى مەملەكەتتەردىڭ باعدارلاماسى.

سينگاپۋر

جالپى مالىمەت:

● باستاۋىش 6 مەن 12 جاس ارالىعىن، ورتا بۋىن 12 مەن 17 جاس ارالىعىن قامتيدى. 6 سىنىپتان كەيىن ەمتيحان تاپسىرادى.

● ورتا بۋىن 4 جىلدى قامتيدى، ودان كەيىن ەمتيحان تاپسىرىلادى.

● جالپى وقۋ ۇزاقتىعى-10 جىل.

ساعات سانى: اپتاسىنا 4 ساعات، وقۋ جىلىندا-136 ساعات.

ءبىر تاقىرىپتى جازۋداعى قولدانىلاتىن شابلون:

- نەگىزگى ماتەماتيكالىق تۇجىرىمدامالارمەن تانىسۋ ارقاشان كورنەكى مىسالدان باستالادى.

- وقۋشىلار كىتاپتاعى جانە جۇمىس داپتەرىندەگى ەسەپتەردى شىعارۋ ارقىلى تۇسىنگەندەرىن بەكىتەدى.

- كەزدەسەتىن قايتالاۋ ەسەپتەرى وقۋشىنىڭ سول تاقىرىپ تۋرالى ءبىلىمىن قايتا شولۋ ەمەس، ودان سايىن تەرەڭدەتۋ ءۇشىن بەرىلەدى.

وتىلەتىن جالپى تاقىرىپتار:

ساندار مەن الگەربرا ەلەمەنتتەرى:

A. ءبۇتىن ساندار:

a. 10 000-عا دەيىنگى ساندار (جازىلۋى، ومىردەگى قولدانىسى، سالىستىرۋ)

b. ءتورت تاڭبالى ساندارعا دەيىنگى سانداردى قوسۋ مەن ازايتۋ  (اۋىزشا/جازباشا)

c. 6-9  ساندارىنىڭ كوبەيتۋ كەستەسى. قالدىقپەن ءبولۋ

B. بولشەك ساندار

a. بىردەي بولشەكتەر

b. بولشەكتەردى قىسقارتۋ

c. ءبولىمى 12-دەن اسپايتىن بولشەكتەردى سالىستىرۋ

d. بولشەكتەردى قوسۋ مەن ازايتۋ

C. اقشا

a. $1000-دىڭ $100*10 تەڭ ەكەنىنە ءتۇسىنۋ. امالدار ورىنداۋ

ولشەم بىرلىك پەن گەومەتريا:

A. ۇزىندىق

B. ماسسا

C. كولەمدى ميلليليتر ارقىلى كورسەتۋ

D. ۋاقىت

اۋدان:

A. تىكتوربۇرىشتىڭ/شارشىنىڭ اۋدانى، ولشەم بىرلىگى

B. بۇرىش، تۇرلەرى

C. پەرپەنديكۋليار، پاراللەل ۇعىمدارى

ستاتيستيكا:

A. مالىمەتتى وقي ءبىلۋ

قازاقستاننىڭ وقۋ باعدارلاماسىمەن ايىرماشىلىعى:

● لوگيكا جوق

● ءۇشبۇرىشتىڭ اۋدانى وتىلمەيدى

● شەڭبەر، دوڭگەلەك وتىلمەيدى

● نۇكتەنىڭ كوورديناتاسى وتىلمەيدى

● جيىن جوق

● كەڭىستىكتەگى فيگۋرالار جوق

● بولشەكتەردى قوسۋ مەن ازايتۋ، سالىستىرۋ وتىلەدى

● ستاتيستيكا تۋرالى ۇعىم قالىپتاسالى

● پاراللەل، پەرپەنديكۋليار ۇعىمى ەنگىزىلەدى

رەسەي

جالپى مالىمەت:

● مەكتەپكە قابىلداۋ 7 جاستان باستالادى. باستاۋىش-العاشقى 3 نەمەسە 4 سىنىپ، ورتا بۋىن- 9-سىنىپقا دەيىن، جوعارعى بۋىن-10 نەمەسە 11 سىنىپ. 

● جالپى وقۋ باعدارلاماسى.

● وقۋ جىلىنىڭ ۇزاقتىعى 1-سىنىپتا – 33 وقۋ اپتاسىن، 2-4-سىنىپتاردا 35 وقۋ اپتاسىن قۇرايدى. (ستاتيا 13 فز «وب وبرازوۆاني»).

● باستاۋىش مەكتەپتەگى ءبىلىم الۋشىلاردىڭ اپتالىق وقۋ جۇكتەمەسىنىڭ ەڭ جوعارى كولەمى 1-سىنىپتار ءۇشىن 21 ساعاتتان، 2-4 سىنىپتار ءۇشىن 23 ساعاتتان اسپايدى.

ساعات سانى:

- اپتاسىنا 4 ساعات، وقۋ جىلىندا –136 ساعات;

ءبىر تاقىرىپتى جازۋداعى قولدانىلاتىن شابلون:

- تەوريالىق مالىمەت كوپ كەزدەسپەيدى.  

- ەسەپ شىعارۋدى وقۋشى بەرىلگەن الگوريتمدەرگە سۇيەنە وتىرىپ ۇيرەنەدى. الگوريتمدەردىڭ تۇسىندىرمەسى مىسالداردان كەيىن بەرىلەدى.

- ەسەپتەر سانى 6-8 ارالىعىندا.

- وتكەندى پىسىقتاۋعا ارنالعان 2-نۇسقالىق وزدىك جۇمىستارى، 30-ەسەپتىك قايتالاۋ ساباقتارى بار.

وتىلەتىن جالپى تاقىرىپتار:

1-ءبولىم.

A. قوسۋ مەن ازايتۋ (جالعاسى)

B. تەڭدەۋلەردى شەشۋ

C. گەومەتريالىق فيگۋرالاردى ارىپتەرمەن بەلگىلەۋ

D. كوبەيتۋ مەن ءبولۋ (جالعاسى)

E. امالداردى ورىنداۋ ءتارتىبى

F. كەستەلىك كوبەيتۋ مەن ءبولۋ (جالعاسى)

G. اۋدان. اۋدان ولشەم بىرلىكتەرى

H. 1-گە كوبەيتۋ. 0-گە كوبەيتۋ. ءنولدى سانعا ءبولۋ

I. ۇلەس

J. شەڭبەر مەن دوڭگەلەك.

K. ۋاقىت ولشەم بىرلىگى.

2-ءبولىم

A. كەستەدەن تىس كوبەيتۋ مەن ءبولۋ

B. قالدىقپەن ءبولۋ

C. نومىرلەۋ (رازريادتار بويىنشا)

D. ماسسا ولشەم بىرلىگى

E. اۋىزشا امال ورىنداۋ تاسىلدەرى

F. جازباشا امارل ورىنداۋ تاسىلدەرى

G. كالكۋلياتورمەن تانىسۋ

قازاقستاننىڭ وقۋ باعدارلاماسىمەن ايىرماشىلىعى:

● كىتاپتارى 2-بولىمنەن تۇرادى. ءار كىتاپ 113 بەتتەن.

● 1 000 000-عا دەيىنگى ساندار وتىلمەيدى، تەك 1000-عا دەيىن

● مۇمكىندىكتەر تارماعى وتىلمەيدى

● جيىن وتىلمەيدى

● ساننىڭ كۆادراتى/كۋبى وتىلمەيدى

● سيممەتريالى فيگۋرالار وتىلمەيدى

● ءۇشبۇرىشتىڭ اۋدانى وتىلمەيدى

● نۇكتەنىڭ كوورديناتاسى وتىلمەيدى

● كەڭىستىكتەگى فيگۋرالار وتىلمەيدى

 وزبەكستان

جالپى مالىمەت:

● باستاۋىش-العاشقى 1-4 سىنىپ، ورتا بۋىن- 5-9-سىنىپقا دەيىن. 2019 جىلعا دەيىن 9-جىلدىق وقۋ ءۇردىسى بولاعان، كەيىن 11-جىلدىققا كوشتى.

ساعات سانى:

- اپتاسىنا 5 ساعات، وقۋ جىلىندا–170 ساعات;

ءبىر تاقىرىپتى جازۋداعى قولدانىلاتىن شابلون:

- جاڭا تاقىرىپتى ءتۇسىندىرۋ ءۇشىن الدىمەن مىسال كەلتىرىلىپ، وقۋشىعا سول مىسالعا نەگىزدەلگەن ەرەجە ۇسىنىلادى. سونىمەن قاتار، كەيبىر تاقىرىپتاردا تەك ەسەپ شىعارۋ ۇلگىسىن كورسەتۋ، تەك ەرەجەنى بەرۋ مەتوديكاسى قولدانىلعان.

- تاقىرىپتى مەڭگەرۋگە ارنالعان قانشا ساعات سانى بولسا، سونشا ساباق سانى بولىنگەن.

- ەسەپ سانى 6-8 ارالىعىندا، ءاربىر 2 سوڭعى ەسەپ ۇيدە ورىندالاتىن جاتتىعۋلار دەپ بەلگىلەنگەن. ولار وتىلگەن تاقىرىپقا بايلانىستى نەمەسە وتكەندى قايتالاۋعا ارنالعان.

وتىلەتىن جالپى تاقىرىپتار:

2-سىنىپتا وتىلەتىن تاقىرىپتاردى قايتالاۋ

A. ەكى جانە ءۇش تاڭبالى سانداردى قوسۋ مەن ازايتۋ، قوسۋ مەن كوبەيتۋدىڭ قاسيەتتەرى

B. ءنول جانە ءبىر ساندارىمەن كوبەيتۋ

C. ساننىڭ بولىگىن/بولىگى بويىنشا ساندى تابۋ

D. كومبيناتوريكا مەن لوگيكا

كەستەدەن تىس كوبەيتۋ مەن ءبولۋ. گەومەتريالىق فيگۋرالار.

A. ءارتۇرلى تيپتەگى سانداردى كوبەيتۋ مەن ءبولۋ

B. قالدىقپەن ءبولۋ

C. بولگىش پەن ەسەلىكتەر

D. ءۇشبۇرىشتاردىڭ تۇرلەرى

E. كەسىندىنى، دوڭگەلەكتى، كوپبۇرىشتاردى بىردەي بولىكتەرگە ءبولۋ

10 000 كولەمىندەگى سانداردى نومىرلەۋ. ولشەم بىرلىكتەر.

A. ءتورت تاڭبالى ساندار

B. تاريحي دەرەكتەر، ريمدىك ساناۋ جۇيەسى

C. ۇزىندىق، ماسسا ولشەم بىرلىكتەرى

ماتەماتيكالىق ورنەكتەر. تەڭسىزدىكتەر. گەومەتريالىق فيگۋرالار.

A. ءارىپتى ورنەكتەر

B. اقيقات جالعان پىكىرلەر

C. پاراللەل/پەرپەنديكۋليار

D. وستىك سيممەتريا

بولشەتەر. جاي وندىق بولشەكتەر.

A. دۇرىس/بۇرىس بولشەكتەر; بولشەكتەردى سالىستىرۋ; بولشەكتەرگە امالدار قولدانۋ; وندىق بولشەكتەر (+-)

B. اۋدان ولشەم بىرلىگى

C. كالەندار

D. بۇرىشتىڭ گرادۋسى

E. فيگۋرالاردى بۇرۋ

F. كەڭىستىكتەگى فيگۋرالار

قازاقستاننىڭ وقۋ باعدارلاماسىمەن ايىرماشىلىعى:

● ءبىر 206-بەتتىك كىتاپتان تۇرادى

● بولشەكتەر (وندىق، جاي، دۇرىس، بۇرىس، ولارعا امال قولدانۋ مەن سالىستىرۋ) وتىلەدى

● كىشى نەمەسە تەڭ، ۇلكەن نەمەسە تەڭ وتىلەدى

● كونۋس وتىلەدى

● فيگۋرالاردى گرادۋس بويىنشا بۇرۋ وتىلەدى

● بۇرىشتاردىڭ تۇرلەرى وتىلەدى، گرادۋستىق ولشەممەن

● پاراللەل، پەرپەنديكۋليار ۇعىمدارى بەرىلەدى

● كۇنتىزبەمەن جۇمىس جاساۋ وتىلەدى

● تاريحي دەرەكتەر بەرىلەدى، ساندار قالاي پايدا بولدى

● بىردەي بولىكتەرگە ءبولۋ وتىلەدى

● اقيقات پەن جالعان پىكىر وتىلەدى

● بولگىش پەن ەسەلىك ۇعىمى ەنگىزىلەدى

● جيىن وتىلمەيدى

● ساننىڭ دارەجەسى وتىلمەيدى

● نۇكتەننىڭ كوورديناتاسى مەن قوزعالىس باعىتى وتىلمەيدى

بەلارۋس

جالپى مالىمەت:

● مەكتەپكە قابىلداۋ 6 جاستان باستالادى.

● 1-4-باستاۋىش، 5-9-ورتا بۋىن، 9-11-جوعارعى بۋىن.

● 12 جىلدىقتى ەنگىزگىزى كەلدى، بىراق ەنگىزبەدى

ساعات سانى:

- اپتاسىنا 4 ساعات، وقۋ جىلىندا–140 ساعات;

ءبىر تاقىرىپتى جازۋداعى قولدانىلاتىن شابلون:

- كەيبىر تاقىرىپتاردىڭ ءتۇسىندىرۋ قۇرالى-مىسالدار. ولار وقۋشى ءۇشىن جاڭا ماتەريالمەن تانىسۋداعى ويلاۋ ۇلگىسى بولىپ تابىلادى.

- كىتاپتىڭ ەكى بەتىنە ءبىر تاقىرىپ ارنالادى، سول سەبەپتى ەسەپ سانىنىڭ از-كوپتىگى بەرىلگەن تەوريا كولەمىنە بايلانىستى. ەسەپ سانى كوپ بولعان جاعدايدا ولاردىڭ ءبارى تاقىرىپقا بايلانىستى ەمەس بولۋى مۇمكىن، كوبىنەسە وتكەندى قايتالاۋعا ارنالعان ۇيدە ورىندالاتىن تاپسىرمالار.

وتىلەتىن جالپى تاقىرىپتار:

A. ەكىنشى سىنىپتى قايتالاۋ

a. 100- گە دەيىنگى سانداردى اۋىزشا، جازباشا قوسۋ جانە ازايتۋ

B. كوبەيتۋ مەن ءبولۋ، ونىڭ قاسيەتتەرى

C. كەستەلىك كوبەيتۋ

D. گەومەتريالىق فيگۋرالاردى ارىپتەرمەن اتاۋ

E. بۇرىشتاردىڭ تۇرلەرى

F. امالداردى ورىنداۋ ءتارتىبى

G. ۇلەس، ۇلەستەردى سالىستىرۋ

H. ساننىڭ بولىگىن، بولىگى بويىنشا ساندى تابۋ

I. تەڭدەۋ

J. قالدىقپەن ءبولۋ

K. اۋدان، ونىڭ ولشەم بىرلىكتەرى

L. ءۇش تاڭبالى ساندار، رازرياد، سالىستىرۋ، كوبەيتۋ مەن ءبولۋ

M. قۇن

N. جىلدامدىق

O. ماسسا ولشەم بىرلىكتەرى

P. ۋاقىت ولشەم بىرلىكتەرى

Q. الشاقتاۋ، كەزدەسۋگە بەرىلگەن ەسەپتەر

قازاقستاننىڭ وقۋ باعدارلاماسىمەن ايىرماشىلىعى:

● ەكى كىتاپتان تۇرادى

● بۇرىشتاردىڭ تۇرلەرى وتىلەدى

● جىلدامدىق، الشاقتاۋ، كەزدەسۋگە ەسەپتەر بەرىلەدى

● لوگيكا جوق

● جيىن جوق

● كەڭىستىكتەگى فيگۋرالار جوق

● كۆادرات، كۋب ۇعىمى جوق

● شەڭبەر، دوڭگەلەك ۇعىمى جوق

● سيممەتريا جوق

قىتاي

جالپى مالىمەت:

● 6-جاستان باستاپ مەكتەپكە قابىلدايدى

● 12 جىلدىق ءبىلىم بەرۋ فورماسى

● 1-6 سىنىپ-باستاۋىش، 7-9 سىنىپ-تولىق ەمەس ورتا مەكتەپ، 10-12 سىنىپ-ورتا مەكتەپ

 ساعات سانى: اپتاسىنا 5 ساعات، وقۋ جىلىندا–210 ساعات;

ءبىر تاقىرىپتى جازۋداعى قولدانىلاتىن شابلون:

- ماتەريالمەن تانىستىرۋ وقۋشىلاردىڭ تاقىرىپتى قالاي پايىمداۋ كەرەكتىگىنە بايلانىستى بەرىلەدى. مىسالى، ەسەپتىڭ شىعارۋ ۇلگىسىن ءتۇسىندىرۋ ەكى بالانىڭ اراسىنداعى ديالوگ بولىپ تابىلادى.

- تاقىرىپ تۋرالى جالپى تۇسىنىك بەرۋ ءۇشىن كوميكس تيپتەس سۋرەتتى جاعداياتتار قولدانىلادى.

- ەسەپ سانىنىڭ ورتاشا ءمانى 10.

وتىلەتىن جالپى تاقىرىپتار:

A. 100-گە دەيىنگى ساندارعا امالدار قولدانۋ

B. كوبەيتۋ مەن ءبولۋ

C. ءسوز ەسەپتەر

D. ۇزىندىق

E. اۋدان

F. ماسسا

G. كەڭىستىكتەگى فيگۋرالار

H. پيكتوگرامما، ستاتيستيكالىق دياگراممالاردى وقي ءبىلۋ

I. ۋاقىت

J. ۇلەس، ولاردى سالىستىرۋ

K. وندىق بولشەكتەر

L. ورنالاسۋ

قازاقستاننىڭ وقۋ باعدارلاماسىمەن ايىرماشىلىعى:

● جيىن جوق

● ساننىڭ كۆادراتى، كۋبى جوق

● شەڭبەر، دوڭگەلەك وتىلمەيدى

● وندىق بولشەكتەر، امالدار قولدانۋ

فينليانديا

جالپى مالىمەت:

● مەكتەپكە 7 جاستان باستاپ قابىلدايدى.

● 1-6 سىنىپ-باستاپقى تومەنگى بۋىن، 7-9 سىنىپ-جوعارعى بۋىن. 10-سىنىپتا ولار باعالارىن جاقسارتا الادى، 11-12-سىنىپتا كوللەدجگە تۇسە الادى نەمەسە وقۋىن ليتسەيدە جالعاستىرا بەرەدى.

● 3-ءشى سىنىپتار ءۇشىن وقۋ جىلى 22 اپتا.

ساعات سانى:

ءبىر تاقىرىپتى جازۋداعى قولدانىلاتىن شابلون:

وتىلەتىن جالپى تاقىرىپتار:

قازاقستاننىڭ وقۋ باعدارلاماسىمەن ايىرماشىلىعى:

 قازاقستاننىڭ 3-سىنىپقا نەگىزدەلگەن وقۋ باعدارلاماسى مەن وقۋلىقتاردىڭ اراسىنداعى بايلانىس.

● كىتاپتاعى كەيبىر تاقىرىپتاردىڭ رەتى باعدارلاما بولىمشەلەرىنىڭ رەتىنە  سايكەس كەلمەيدى.

● وقۋلىقتىڭ كوپتەگەن تاقىرىپتارىندا بەرىلگەن تاقىرىپقا قاتىستى ەمەس نەمەسە باسقا تاقىرىپتاردىڭ ەسەپتەرى كەزدەسەدى.

مىسالى:

1-ءبولىم. ا. 1000 كولەمىندەگى ساندار. قوسۋ جانە ازايتۋ.

1-تاقىرىپ. 1000 كولەمىندەگى ساندار: 8-ەسەپ (باعان تۇرىندە ەكى تاڭبالى سانداردى قوسۋ جانە ازايتۋ), 9-ەسەپ ء(ماتىن ەسەپ، ءبىر تاڭبالى ساندارعا امالدار قولدانۋ ارقىلى) (6-بەت)

3-تاقىرىپ: 7-ەسەپ ء(ارىپتى ورنەك) (11-بەت)

4-تاقىرىپ: 7-ەسەپ (قاتىستى ەمەس) (13-بەت)

5-تاقىرىپ: 5-ەسەپ ء(ارىپتى ورنەك) (15-بەت)

7-ەسەپ (ەكى تاڭبالى جانە ءبىر تاڭبالى سانداردى قوسۋ) (15-بەت)

7-تاقىرىپ: 6-ەسەپ (تەڭدەۋ) (21-بەت)

8-ەسەپ (قاتىستى ەمەس) (21-بەت)

9-تاقىرىپ: 7-ەسەپ (قاتىستى ەمەس) (26-بەت)

10-تاكىرىپ: 7-ەسەپ (قاتىستى ەمەس) (28-بەت)

11-تاقىرىپ: 6-ەسەپ (قاتىستى ەمەس) (30-بەت)

 7-ەسەپ (امالدار ورىنداۋ ءتارتىبى) (30-بەت)

● وقۋلىقتا كەلەسى تاقىرىپتار جوق  (باسقا تاقىرىپتاردا ەسەپ تۇرىندە عانا بەرىلەدى):

1-ءبولىم. ا. 1000 كولەمىندەگى ساندار. قوسۋ جانە ازايتۋ.

ساندى جانە ءارىپتى ورنەكتەر

○ 3.2.1.1 بىر/ەكى ءارپى بار ءارىپتى ورنەكتەردى اجىراتۋ، قۇراستىرۋ، جازۋ جانە وقۋ; 3.2.1.2 ارىپتەردىڭ بەرىلگەن ماندەرىندە ەكى ءارپى بار ءارىپتى ورنەكتىڭ ءمانىن تابۋ (باعدارلامادا بەرىلگەن وقۋ ماقساتتارى)

تەڭدىك جانە تەڭسىزدىك. تەڭدەۋ.

○ 3.2.2.1 قاراپايىم تەڭسىزدىكتەردىڭ شەشىمدەر جيىنىن تابۋ (باعدارلامادا بەرىلگەن وقۋ ماقساتتارى).

 اۆتورلار:

ىرىسبەك ءماۋىت،
ارۋجان ماليكوۆا،

جادىرا وماروۆا
مارجان راحيمجان

پىكىرلەر