جامبىل وبلىسىنىڭ اكىمى بەردىبەك ساپارباەۆ تاراز قالاسىنداعى ورتالىق «ھيباتۋللا تارازي» مەشىتىنە بارىپ، قاڭتار وقيعالارى كەزىندە قايتىس بولعان ازاماتتاردىڭ رۋحىنا قۇران باعىشتاۋ راسىمىنە قاتىستى، دەپ جازادى "ادىرنا" ۇلتتىق پورتالى.
- بۇعان دەيىن ايماق باسشىسى ورتالىق مەشىتتە ءىرى قارا مالدى قۇرباندىققا شالىپ، مۇقتاج جاندارعا ارنالعان داستارحان جايىلعان بولاتىن. جينالعاندار ەلىمىزدە ەندى مۇنداي كەلەڭسىزدىكتەردىڭ ورىن الماۋىن، تىنىشتىق، بەيبىتشىلىك بولۋىن تىلەپ، دۇعا ەتتى،- دەپ حابارلادى جامبىل وبلىسى اكىمدىگىنىڭ ءباسپاسوز قىزمەتى.
"ادىرنا" ۇلتتىق پورتالى
