ەگەر وسى ايتىلعان دۇنيە راس بولسا، بۇل ءبىز ءۇشىن تراگەديا. تاۋەلسىزدىكتىڭ 25 جىلى تەككە كەتكەنى دەپ ءبىلىڭىز. وسى 25 جىلدا كىمدەردى تاربيەلەپ وسىردىك سوندا؟ بيلىك ايتاتىن «كوپۇلتتى قازاقستاندا» وسى ەلدى شىن سۇيەتىندەر، وسى ەلدى وتانىم سانايتىنداردىڭ سانى قانشا؟
جۋرناليست باقىت جانشاەۆانىڭ الەۋمەتتىك جەلىدەگى جازباسى ۇلكەن وي سالدى بىزگە. تانىس ۇستازى ورىس مەكتەبىنە اۋىسقان ەكەن. ءتۇڭىلىپ كەتىپتى. «ءبىز رەسەي پاتريوتتارىن تاربيەلەپ جاتىرمىز” دەگەن ەكەن ۇستاز.
بۇعان دەيىن قازاق مەكتەبىندەگى بالالاردىڭ بارلىعىنىڭ ” وتانىم- قازاقستان! مەن ەلىمنىڭ پاتريوتىمىن” دەگەندەرىن ەستىپ ۇيرەنگەن ول مىنانى كورىپ، جۇرەگىنىڭ مۇزداپ كەتكەنىن ايتتى.
سوندا قالاي بولعانى؟ قازاق ەلىندە باسقا ەلدەردىڭ پاتريوتتارىن تاربيەلەپ جاتىرمىز با؟
جالپى ورىس مەكتەپتەرىندە وقيتىن قازاق بالالارىنىڭ بويىنان ءوز ۇلتىنا دەگەن سۇيىسپەنشىلىك تابىلمايتىنداي جاعدايعا كەلە جاتقان جوقپىز با؟
بۇعان نازار اۋدارۋ كەرەك دەپ سانايمىن»، – دەيدى ارىپتەسىمىز.
بىزدىڭشە،
بۇل ماقالا بالاسىن ورىس مەكتەبىن اپارعان، اپارۋعا وقتالىپ جۇرگەن قازاقتارعا وي سالۋى كەرەك. وي سالادى دەپ سەنەمىز…
kaz.365info.kz
