«حالىق» قايىرىمدىلىق قورى «قازاقستان حالقىنا» قورىنا 10 ملرد تەڭگە اۋداردى، دەپ حابارلايدى «ادىرنا» ءتىلشىسى قوردىڭ ءباسپاسوز قىزمەتىنە سىلتەمە جاساپ.
قوسىمشا قارجىلاندىرۋ «حالىق» قورىنىڭ قۇرىلتايشىلارى تيمۋر مەن دينارا قۇلىباەۆتاردىڭ جارنالارىنىڭ ارقاسىندا مۇمكىن بولدى. ولاردىڭ تۇراقتى قولداۋىنىڭ ارقاسىندا «حالىق» قورى قازاقستان حالقىنا جۇيەلى كومەك كورسەتەدى: تەك 2020-2021 جج. ارالىعىندا قور 18 ميلليارد تەڭگەدەن استام سوماعا قايىرىمدىلىق باعدارلامالارىن جۇزەگە اسىردى. ونىڭ ىشىندە پاندەميا كەزىندە حالىققا كومەك كورسەتۋ، مەديتسينالىق قۇرال-جابدىقتار مەن ءدارى-دارمەكتەرمەن قامتاماسىز ەتۋ، ەڭ مۇقتاج تۇرعىندارعا ازىق-تۇلىك سەبەتتەرىن تاراتۋ، بالالار مەن جاستارعا ساپالى ءبىلىم بەرۋدى دامىتۋ باعدارلامالارى جانە باسقا دا قايىرىمدىلىق باعدارلامالارىن جۇزەگە اسىردى.
2022 جىلدىڭ قاڭتار ايىندا قۇلىباەۆتار وتباسى الەۋمەتتىك ماسەلەلەردى شەشۋ ءۇشىن Halyk Bank پەن «حالىق» قايىرىمدىلىق قورى ارقىلى «قازاقستان حالقىنا» قورىنا العاشقىلاردىڭ ءبىرى بولىپ 5 ميلليارد تەڭگە اۋداردى.
«مەملەكەت باسشىسى قازاقستاننىڭ ءاربىر ازاماتىنىڭ جاقسى تۇرارلىق ءومىر ءسۇرۋ جاعدايىن قامتاماسىز ەتۋ ءۇشىن ۇكىمەتتىڭ، قايىرىمدىلىق ۇيىمدارى مەن مەتسەناتتاردىڭ كۇش-جىگەرىن بىرىكتىرۋگە باعىتتالعان ماڭىزدى باستاماسىن كوتەردى. ءبىز ەلىمىزدىڭ وركەندەۋىنە باعىتتالعان پرەزيدەنت قاسىم-جومارت توقاەۆتىڭ باستامالارىن قولداۋدى جالعاستىرۋعا دايىنبىز»، – دەيدى «حالىق» قق قامقورشىلىق كەڭەسىنىڭ ءتورايىمى دينارا قۇلىباەۆا.
«ادىرنا» ۇلتتىق پورتالى
