دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس ادحانوم گەبرەيەسۋس COVID-19 پاندەمياسىنىڭ وتكىر كەزەڭى اياقتالۋى مۇمكىن دەگەن بولجامنان ساقتاندىردى، - دەپ حابارلايدى ”ادىرنا” ۇلتتىق پورتالىTengrinews.kz سايتىنا سىلتەمە جاساي وتىرىپ.
ددسۇ باسشىسىنىڭ ايتۋىنشا، وميكرون ماڭىزى بار سوڭعى شتامم جانە پاندەميا جاقىندا اياقتالادى دەپ ويلاماۋ كەرەك.
"پاندەميا قالاي داميتىنى جانە وتكىر كەزەڭ قالاي اياقتالۋى مۇمكىن ەكەنى تۋرالى ءتۇرلى ستسەناري بار. بىراق وميكرون سوڭعى شتامم بولادى نەمەسە پاندەميا اياقتالادى دەپ بولجاۋ قاۋىپتى. كەرىسىنشە، الەمدىك دەڭگەيدە جاڭا شتامداردىڭ پايدا بولۋىنا اكەلەتىن ءتۇرلى جاعدايلار بار", - دەدى تەدروس ددسۇ اتقارۋشى كەڭەسىنىڭ وتىرىسىندا.
سونىمەن قاتار، گەبرەيەسۋس كوروناۆيرۋس بيىل دەنساۋلىق ساقتاۋ سالاسىنداعى جاھاندىق داعدارىس بولا المايتىنىن ايتتى. الايدا بۇل ءۇشىن جىلدىڭ ورتاسىنا قاراي ءار مەملەكەت حالقىنىڭ 70 پايىزى ۆاكتسينا الۋى، سونداي-اق، ۆاكتسيناتسيا جۇيەسىن جاقسارتۋى قاجەت.
"بيىل COVID-19-دى جاھاندىق دەنساۋلىق ساقتاۋ سالاسىنداعى توتەنشە جاعداي رەتىندە توقتاتا الامىز", - دەدى ول.
“ادىرنا” ۇلتتىق پورتالى
