قورعانىس ىستەرى جونىندەگى دەپارتامەنتتەرىندە، باسقارمالارى مەن بولىمدەرىندە 2022 جىلعى كوكتەمگى اسكەرگە شاقىرۋ ناۋقانى الدىندا جاستاردى زەردەلەۋ جۇمىستارى باستالدى. اسكەرگە 18-27 جاس ارالىعىنداعى ازاماتتار شاقىرىلادى، دەپ حابارلايدى «ادىرنا» ءتىلشىسى.
ءبىر كۇندە شامامەن 800-900 اسكەرگە شاقىرىلۋشى كەلەدى.
اسكەرگە شاقىرۋ جاسىنداعى بارلىعى 90 مىڭنان استام ءجاسوسپىرىم زەردەلەنەدى، — دەدى قارۋلى كۇشتەرى باس شتابى ۇيىمداستىرۋ-جۇمىلدىرۋ جۇمىستارى دەپارتامەنتى باستىعىنىڭ ورىنباسارى پولكوۆنيك ايان ەسلياموۆ.
جەرگىلىكتى اسكەري باسقارۋ ورگاندارى قازاقستان رەسپۋبليكاسىنىڭ قارۋلى كۇشتەرىنە، ۇلتتىق قاۋىپسىزدىك كوميتەتىنىڭ شەكارا قىزمەتىنە، مەملەكەتتىك كۇزەت قىزمەتىنە، توتەنشە جاعدايلار مينيسترلىگىنە جانە ۇلتتىق ۇلانىنا اسكەرگە شاقىرۋدى جۇزەگە اسىرادى. بيىل كوكتەمدە شامامەن 17 000 ازامات اسكەرگە شاقىرىلادى. ولاردىڭ 6 500-دەن استامى قارۋلى كۇشتەردىڭ بولىمدەرى مەن بولىمشەلەرىندە قىزمەت ەتەدى.
«ادىرنا» ۇلتتىق پورتالى
