قر باس پروكۋراتۋرانىڭ ءبىرىنشى قىزمەت باستىعىنىڭ ورىنباسارى ەلدوس قيلىمجانوۆ ورتالىق كوممۋنيكاتسيالار قىزمەتىندە وتكەن بريفينگتە الماتىدا 24 ادام زاڭسىز قاماۋدا بولعانىن ايتتى، دەپ حابارلايدى "ادىرنا" ۇلتتىق پورتالى.
"بۇگىندە پروكۋراتۋرا ورگاندارىنا پوليتسيا قىزمەتكەرلەرىنە قاتىستى 91 شاعىم ءتۇستى. ارقايسىنا جاۋاپ بەردىك. 19 وتىنىشتە زاڭبۇزۋشىلىق راستالمادى. 56-سى ءالى تەكسەرىلىپ جاتىر. راستالعان جاعدايلار دا بار. مىسالى، 12 قاڭتاردا الماتى قالاسىنىڭ پروكۋراتۋراسى زاڭسىز ۇستالعان 24 قالا تۇرعىنىن بوساتتى. سونداي-اق، ۇستالعان ادامداردىڭ ءولىمى، ازاپتاۋ جانە بيلىكتى اسىرا پايدالانۋ دەرەكتەرى بويىنشا ىستەر تەرگەلىپ جاتىر. رەسپۋبليكا بويىنشا بارلىعى وسىنداي 16 قىلمىستىق ءىس قوزعالدى", - دەدى ەلدوس قيلىمجانوۆ.
ونىڭ ايتۋىنشا، زورلىق-زومبىلىق جاساۋ جانە مەديتسينالىق كومەك كورسەتپەۋ جاعدايلارىن تاۋەلسىز تەكسەرۋ ءۇشىن ادام قۇقىقتارى جونىندەگى ۋاكىلگە جانە قۇقىق قورعاۋ ۇيىمدارىنا ۇستالعاندار مەن قاماۋعا الىنعاندارعا كىرۋگە رۇقسات بەرىلدى. بۇدان باسقا، رەسپۋبليكالىق ادۆوكاتتار القاسىمەن بىرلەسىپ، زاڭ بويىنشا ۋاقتىلى بىلىكتى كومەك كورسەتۋ، سونداي-اق قورعاۋشىلاردىڭ مەكەمەلەرگە قول جەتكىزۋى ماسەلەسى شەشىلدى.
"ادىرنا" ۇلتتىق پورتالى.
