قر اقپارات جانە قوعامدىق دامۋ ءمينيسترىنىڭ بۇيرىعىمەن ميربولات حايراتۇلى ايۋپوۆ «قازتەلەراديو» اق باسقارما توراعاسى بولىپ تاعايىندالدى دەپ حابارلايدى "ادىرنا" ۇلتتىق پورتالى.
ميربولات ايۋپوۆ 1963 جىلى 26 تامىزدا قاراعاندى قالاسىندا دۇنيەگە كەلگەن. ماسكەۋ ينجەنەرلىك-فيزيكا ينستيتۋتىنىڭ كيبەرنەتيكا فاكۋلتەتىن بىتىرگەن.
1986 جىلدارى قاراعاندى مەملەكەتتىك تەحنيكالىق ۋنيۆەرسيتەتىندە عىلىمي جانە وقىتۋشىلىق قىزمەت اتقاردى. 1998 جىلدارى «التەل» اق جانە «قازاقتەلەكوم» اق كومپانيالارىندا باسشىلىق لاۋازىمدا بولدى.
ءار جىلدارى «ترانستەلەكوم» اق، «زەردە» ۇلتتىق ينفوكوممۋنيكاتسيا حولدينگى» اق، «قازمەديا ورتالىعى» باسقارۋشى كومپانياسى» جشس-ءىن باسقاردى. بايلانىس جانە تەلەكوممۋنيكاتسيا، سونداي-اق، تەلەۆيزيا تەحنولوگيالارى سالاسىندا 20 جىلدان استام باسشىلىق قىزمەتتەردى اتقارىپ كەلدى. «قۇرمەت» وردەنىنىڭ يەگەرى، «قۇرمەتتى بايلانىسشى».
«قازتەلەراديو» اق باستى ماقساتى – حالىققا تەلەراديو حابارلارىن تاراتۋدىڭ ءتۇرلى جەلىلەرىندە مەملەكەتتىك باعدارلامالاردى تەگىن قابىلداۋ مۇمكىندىگىن قامتاماسىز ەتۋ.
"ادىرنا" ۇلتتىق پورتالى
