نۇر-سۇلتاندىق پوليتسەيلەر الماتىدا تارتىپسىزدىكتەر كەزىندە ۇرلىق جاسادى دەگەن كۇدىكتىنى ۇستادى، دەپ حابارلايدى "ادىرنا" سايتى.
«نۇر-سۇلتان» قپد ءباسپاسوز قىزمەتىنىڭ مالىمەتىنشە، الماتى وبلىسىنىڭ 20 جاسار تۇرعىنى ەلورداعا جەكە تاكسيمەن بارعان. ەلورداعا كەلگەن ول ساۋدا ۇيلەرىنىڭ بىرىندە Iphone 13 ۇيالى تەلەفونىن ساتىپ، ودان 380 000 تەڭگە پايدا تاپقان.
پوليتسيا قىزمەتكەرلەرىنىڭ جەدەل-ىزدەستىرۋ ءىس-شارالارى بارىسىندا ۇلى دالا داڭعىلىنداعى جالدامالى پاتەردەن، توناۋ جاسادى دەگەن كۇدىكتى ۇستالدى. پاتەردى ءتىنتۋ كەزىندە الماتى قالاسىنداعى «اق جەل» دۇكەنىنەن HP ماركالى نوۋتبۋگى، Iphone 11 جانە Iphone 6 ۇيالى تەلەفوندارى تابىلىپ، تاركىلەندى.
نۇر-سۇلتان پد
2022 جىلدىڭ 4 قاڭتارىندا كۇدىكتى ءوز جۇمىس ورنىندا الماتى قالاسىنداعى كومپيۋتەرلىك كلۋبتا بولعانى انىقتالدى. جاقىن جەردە «اق جەل» دۇكەنىنىڭ قيراعانىن دوسىنان بىلگەن ول قويماعا بارىپ، ءتورت Iphone 11 جانە Iphone 13 ۇيالى تەلەفونىن جانە ەكى HP نوۋتبۋگىن ۇرلاپ كەتكەن. ەرتەڭىندە ول كىسى الماتىدان بىردەن ەلورداعا جول تارتتى.
اتالعان فاكتى بويىنشا قىلمىستىق ءىس قوزعالدى. كۇدىكتى ۋاقىتشا ۇستاۋ يزولياتورىنا قامالدى.
نۇر-سۇلتان پد
جەدەل ءىس-شارالار بارىسىندا ساتىپ الۋشى انىقتالىپ، ودان Iphone 13 ۇيالى تەلەفونى تاركىلەندى.
پوليتسيا دەپارتامەنتى ازاماتتاردى باعالى زاتتار مەن قۇرال-جابدىقتاردى ساتۋ تۋرالى كۇدىكتى ۇسىنىستاردان ساق بولۋدى ەسكەرتەدى. تاۋاردى ساتىپ العاندا، قىراعى بولىڭىز جانە ساتۋشىدان تۇبىرتەك نەمەسە كەپىلدىك تالونىن سۇراڭىز، ال كۇدىك تۋىنداعان جاعدايدا پوليتسياعا حابارلاڭىز.
قىلمىستىق جولمەن سانالى تۇردە الىنعان مۇلىكتى يەمدەنۋ نەمەسە ساتۋ قىلمىستىق جاۋاپتىلىققا اكەپ سوعادى.
"ادىرنا" ۇلتتىق پورتالى
