الماتىداعى تارتىپسىزدىكتەر كەزىندە جارالانىپ، اۋرۋحانانىڭ جان ساقتاۋ بولىمىندە جاتقان ءبىر توپ ازاماتتار تەرگەۋ يزولياتورىنان ءبىر-اق شىققان. جاقىندارىنىڭ ايتۋىنشا، ءبىرىنىڭ بۇيرەگىن الىپ تاستاعان، ەندى ءبىرىنىڭ كوزى شىعىپ كەتكەن، ەكى قولىنا ءتورت وق تيگەنى تاعى بار. الماتىداعى سي-18 مەكەمەسىنىڭ الدىنا جينالعان ايەلدەر ەرلەرىمىز جازىقسىز لاڭكەس اتاندى دەپ اشىنادى. ولار تەرگەۋدىڭ ءادىل جۇرگىزىلگەنىن تالاپ ەتىپ وتىر، دەپ حابارلادى 31 ارنانىڭ "
“تەرروريست ەمەس تراكتورشى!” - جارالانعان جانداردىڭ جاقىندارى ەرلەرىنە اراشا ىزدەۋدە
18.01.2022
3871
ايگەرىم الشىنباەۆانىڭ ايتۋىنشا، كۇيەۋى قاراپايىم تراكتورشى. بولعان وقيعالارعا قاتىسى جوق. الايدا سوعان قاراماستان، قاماۋدا جاتىر.
"تراكتوردا جۇمىس ىستەيدى. ونىڭ دىم قاتىسى جوق. باستىعىنا بارام دا قايتىپ كەلەم دەگەن. قايتاردا قايتا الماي قالدى. ءبىر كوزى جوق، ءبىر بۇيرەگى ىستەمەيدى. اياعى دا جۇرمەيدى دە ۋجە", -دەپ جىلايدى جاسۇلان امانگەلديەۆتىڭ ايەلى ايگەرىم الشىنباەۆا.
جاقىندارىن اۋرۋحانادا جوعالتقانداردىڭ كوبى جاراقات العان اعا-ءىنى، بالالارىن وسى جەردەن تاپتى. ءىىم قىلمىستىق اتقارۋ جۇيەسى كوميتەتىنە قاراستى "لا-155/18" مەكەمەسىنىڭ الدى ادامعا لىق تولى. باسىم بولىگى - الماتىداعى الاساپىران كەزدەرىندە وق ءتيىپ، جاراقاتىمەن اۋرۋحاناعا تۇسكەن كۇيى جوعالىپ كەتكەندەردىڭ جاقىندارى.
"ەكى قولىنا دا ءتورت وق تيگەن. ەكىنشى وپەراتسيا بولۋ كەرەك. ەندى قازىر جاتىر. مەن ءتورت بالامەن ۇيدە وتىرمىن", - دەيدى جاسۇلان جارماحانوۆتىڭ ايەلى سايلاگۇل اقتوقىرقىزى.
"بەسى كۇنى اياعىنا ەكى وق ءتيىپ، اياعى ءبولىنىپ قالعان. 7-اۋرۋحاناعا الىپ كەتكەن. 8 كۇنى وموندار ما، بىلمەيمىز، مەم قىزمەتكەرلەر الىپ كەتكەن", - دەيدى يحسانيەۆتىڭ جۇبايى الفيا دوسانوۆا.
ەرلەرىمىز جازىقسىز سوتتالىپ كەتە مە دەپ قورىققاندار يزولياتوردىڭ الدىن تاڭعى ساعات التىدان باستاپ قورىعان. وق ءتيىپ، جارالانعانداردىڭ ءبارى بىردەي لاڭكەس ەمەس. كەيبىرى بەيبىت شەرۋگە شىقتى، كەيبىرى ەسىك الدىنا دۇكەنگە شىققاندار، - دەيدى ولار.
"ول بالا نانعا شىققانمىن دەيدى. ءسويتىپ ءبىر توپقا ءتۇسىپ قالعان عوي دەيمىن. قايتا قاشىپ بارا جاتقاندا، رەزىڭكە مە، بىردەڭەمەن اتىپتى", - دەيدى جانتورە ءساپارالىۇلىنىڭ اناسى گۇلميرا ەسبەرگەنوۆا.
ال ەت جاقىندارىن كورۋگە كەلگەن ءبىر توپ انالار مەن ايەلدەر ماقساتىنا جەتە المادى. ەندى تەرگەۋ ءادىل جۇرگىزىلسە، دەيدى.
"ەشكىم بىزگە حابار بەرگەن جوق. وپەراتسيادان شىققان بالالار. وسى جەردە تۇرعان اتا-انالار، ءبارىمىز سۇرايمىز", - دەيدى ارمان توقاننىڭ اناس انارگۇل ءسابيتحانوۆا.
ال سي-18 مەكەمەسىنىڭ وكىلدەرىنىڭ تىلشىلەرگە جاۋاپ بەرۋدەن باس تارتتى.
“ادىرنا” ۇلتتىق پورتالى
Басқалармен бөлісе отырыңыз
پىكىرلەر
