Екібастұз қаласы Төтенше жағдайлар басқармасының қызметкерлері пара алғаны үшін сотталды. Бұл туралы бүгін, 7 сәуірде Сыбайлас жемқорлыққа қарсы іс-қимыл агенттігі айтты, деп хабарлайды «Адырна» тілшісі.
«31 наурызда Павлодар облысында Екібастұз қалалық соты Екібастұз қаласы Төтенше жағдайлар басқармасының бастығы Д.Куконевке, оның орынбасары Ж.Маймановқа және кәсіпкер Б.Жұмашевке үкім шығарды. Куконев пен Майманов Жұмашевтен оның кәсіпорнына қатысты мемлекеттік емес өртке қарсы қызмет көрсету шарттарын жасасқаны үшін жалпы сомасы 7,4 млн теңгеге бірнеше рет пара алғаны үшін кінәлі деп танылды»,—делінген хабарламада.
Сот үкімімен Куконев 7 жыл 6 айға, Майманов пен Жұмашев 7 жылға бас бостандығынан айырылды. Сондай-ақ олар өмір бойы мемлекеттік қызметте және квазимемлекеттік секторда қызмет атқару құқығынан айырылды. Сонымен қатар, Куконев азаматтық қорғаныс полковнигі, Майманов азаматтық қорғаныс майоры арнайы атағынан айырылды.
Сот актісі заңды күшіне енген жоқ.
