Еуропалық қайта құру және даму банкі (ЕҚДБ) маңызды минералдар мен жасыл энергетика салаларында 2027 жылға дейін 7-8 миллиард еуроны құрайтын жобалар пакетін әзірлеуде.
Ақпаратқа сәйкес, Самарқандта Орталық Азия-Еуропа Одағының бірінші саммиті өтіп жатыр. Онда Шавкат Мирзиёев сөз сөйлеп, өңірлер арасындағы әріптестік пен ынтымақтастық туралы «толық құқықты» келісім жасауды ұсынды.
Еуроодақ «Global Gateway» бағдарламасы аясында Орталық Азия елдеріне 12 миллиард еуро көлемінде инвестициялық пакет жариялаған. Бұл туралы 4 сәуірде Орталық Азия – Еуроодақ саммитінде Еуропалық комиссия төрағасы Урсула фон дер Ляйен мәлімдеді.
Өз сөзінде Еурокомиссия басшысы аймақтар арасындағы ынтымақтастықтың төрт бағытын атап өтті: Транскаспий коридоры, критикалық минералдар, «жасыл» энергетика және цифрлық байланыс.
«Алдағы прогресті жеделдету үшін бүгін мен қуанышпен 12 миллиард еуро көлемінде Global Gateway инвестициялық пакетін жариялаймын. Бұл біздің Одақ пен мүше мемлекеттерінің инвестицияларын біріктіреді», — деді Урсула фон дер Ляйен.
Оның айтуынша, бұл «еуропалық командалық тәсіл», және жаңа инвестициялық пакет Орталық Азияда жаңа жобалар сериясының басталуына негіз болады.
«Бұл шынымен де біздің ежелгі достығымызда жаңа дәуірдің бастамасы», — деп атап өтті Еурокомиссия басшысы.
12 миллиард еуро көлеміндегі инвестициялық пакет төрт сала бойынша бөлінеді: көлік (3 миллиард еуро), критикалық минералдар (2,5 миллиард еуро), гидроэнергетика және климат (6,4 миллиард еуро), спутниктік интернет (100 миллион еуро).
Сонымен қатар, Еуропалық қайта құру және даму банкі (ЕҚДБ) 2027 жылға дейін критикалық минералдар мен жаңартылатын энергия сияқты салаларды қамтитын жобалар пакетін 7-8 миллиард еуро көлемінде әзірлеуде.
Еуропалық инвестициялық банк (ЕИБ) Тәжікстан, Қырғызстан және Өзбекстанмен төрт түсіністік меморандумын жасасып, тұрақты көлік, су реттеу және климат өзгерісіне бейімделу мәселелеріне 365 миллион еуро бөлуге дайындалып жатыр.
